Ndërsa shkencëtarët në të gjithë botën garojnë për të gjetur një vaksinë për koronavirusin, shpikja e një vajze 14-vjeçare ka tërhequr vëmendjen e ekspertëve.
14-vjeçarja, Anika Chebrolu, nga Texasi, sapo ka fituar Sfidën e Shkencëtarit të Ri 3M duke marrë një çmim prej 25,000 dollarësh, për një zbulim që mund të sigurojë një terapi të mundshme për Covid-19.
Shpikja e Anikas përdor metodologjinë në siliko (e kryer në kompjuter ose përmes simulimit kompjuterik për eksperimente biologjike) për të zbuluar një molekulë plumbi që mund të lidhet me proteinën e SARS-CoV-2, e njohur si “spike protein”. Spike protein është një proteinë bashkimi transmembranore që luan rol vendimtar në fillimin e infeksionit.
Anika e përfundoi projektin kur ishte në klasën e tetë, por për shkak të pandemisë së Covid-19, ajo ndryshoi drejtimin e projektit për t’u përqendruar te koronavirusi. Ajo tha për CNN se u frymëzua për të gjetur kura të mundshme ndaj viruseve pasi mësoi për pandeminë e gripit të vitit 1918 dhe zbuloi se sa njerëz vdesin çdo vit.
“Dy ditët e fundit, pashë që projekti im shkaktoi shumë bujë mediatike pasi përfshin virusin SARS-CoV-2 dhe reflekton shpresat tona kolektive për t’i dhënë fund kësaj pandemie pasi unë, si të gjithë të tjerët, dëshiroj që të kthehemi përsëri në jetën tonë normale së shpejti”, tha Anika për CNN.
