Hëna është shumë e pasur me metale, madje shumë më tepër se sa mendohej deri më sot.
Një studim i fundit i publikuar në revistën Toka dhe Shkencat Planetare, i kryer nga një sërë institucionesh shkencore botërore, përfshirë laboratorin e NASA, tregon pikërisht për përbërësit e zbuluar nën sipërfaqen e satelitit tonë.
Studimi është bazuar kryesisht mbi të dhënat e Lunar Orbiter të NASA, ku përmes imazheve radio, janë rindërtuar në kompjuter karakteristikat e pluhurave të imëta në thellësi të kratereve të Hënës.
Këto pluhura janë ngritur në sipërfaqe të saj si pasojë e impakteve me meteoritë, duke qenë gjithnjë e targetuar nga ta, pasi Hëna nuk ka një atmosferë të sajën.
Nga analizat rezulton se okside hekuri dhe titani janë elementët që kanë përqindjen më të lartë.
Zbulimi është i rëndësishëm pasi mund të ndihmojë në qartësimin dhe zbulimin e saktë të origjinës së satelitit tonë.
