Prej 10 ditësh, Dajana Mita, kjo 22-vjeçare nga Lushnja që shihni në këtë foto, është larguar nga banesa e saj pa lënë asnjë gjurmë. Ishte data 2 tetor kur prindërit e saj bën kallzimin në polici por ende nuk kanë marrë asnjë informacion se ku mund të ndodhen vajza e tyre. Ata thonë se vajza bëntë një jetë të rregullt teksa i tremben trafikimit ose vrasjes.
“Them rrëmbyer se kam një dyshim se te telefoni i saj, pash një targë makine, dy ditë dhe kjo targa menjëherë vajta te komisariati i Lushnjes dhe komisariati i verifikoi e mori atje këtë djalin dhe te ky djali dyshoj se ma ka rrëmbyer vajzën. Ka 10 ditë vajza nuk kemi marrë asnjë lloj haberi. Ky djalë që e ka marr mbase e ka shitur, mbase e mban me dhunë nuk e di. Ka qenë e rregullt e mbyllur në vetvete, jo e shkathët. Mos e ka vrarë. 10 ditë pa marr vesh ku është vajza”.
Policia e ka shpallur në kërkim, por deri tani për Dajanën nuk dihet ende asgjë. Prokuroria e Lushnjes ka marrë në pyetje një djalë me të cilin vajza ishte njohur në rrjetet sociale.
Ai ka pranuar lidhjen mes tyre, por thotë se nuk ka dijeni për vendndodhjen e vajzës, telefoni i së cilës rezulton i fikur.
Vajza është parë për herë të fundit teksa largohet me një automjet nga Lushnja në drejtim të Rrogozhinës.
Burimi: Tv Klan
