Një organizator i njohur kamerash të fshehta në Rusi, vendosi të bëjë një test komik se çfarë mendojnë rusët në të vërtetë për presidentin e tyre Vladimir Putin.
Dhe për ta bërë të mundur këtë, i riu Bashir Dokhov vendosi një portret të njeriut të fortë të Kremlinit në një ashensor për të parë reagimet e qytetarëve. Të gjitha skenat u filmuan nga një kamera e vendosur në majë të ashensorit.
Edhe pse sipas sondazheve, presidenti Putin mbështetet nga 69% e rusëve, shumë nga komentet e personave që hynë në ashensor dhe u përballën me portretin ishin negative.
I riu Dokhov i shpërndau filmimet në mediat sociale dhe deklaroi se nuk është i shqetësuar nëse autoritetet ruse do t’i vihen nga pas.
