Shkencëtarët po bëjnë thirrje për studime urgjente për të përcaktuar përqindjen e personave me koronavirus që nuk tregojnë simptoma ose kanë simptoma të vonuara, sepse shqetësimi më i madh mbetet ai që numri i transportuesve të heshtur të virusit mund të jetë më i madh nga sa mendohej.
Islanda, e cila thotë se është testuar një përqindje më e lartë e banorëve se çdo vend tjetër, zbuloi se rreth gjysma e atyre që rezultuan pozitiv nuk kanë simptoma të Covid-19, tha Thorolfur Gudnason, shef epidemiolog në vend. Deri një e treta e njerëzve që testohen poziti kanë simptoma të vonuara ose aspak, njoftoi të dielën South China Morning Post, duke përmendur të dhënat e klasifikuara nga qeveria kineze.
Shkalla e lartë e rasteve asimptomatike mund të ndërlikojë përpjekjet për të ndaluar përhapjen e sëmundjes sepse shumë vende nuk po testojnë njerëz nëse nuk janë sëmurë seriozisht. Një raport nga një mision i përbashkët Organizata Botërore e Shëndetësisë (WHO)-Kinë muajin e kaluar përshkroi infeksione të tilla si “relativisht të rralla” dhe duke mos u dukur se janë nxitësit kryesorë të transmetimit.
“Është duke u bërë më e qartë se përhapja e Covid-19 nga njerëzit që janë asimptomatikë ose me simptoma të lehta mund të jenë përgjegjës për më shumë transmetim nga sa mendohej më parë; duke e bërë më të vështirë kontrollin e virusit“, tha Scott Gottlieb, ish-kreu i Administratës së Ushqimit dhe Barnave të SHBA-ve, në një postim në Twitter në fillim të këtij muaji.
Në Korenë e Jugut, më shumë se 20% e rasteve asimptomatike të raportuara në Qendrat e Koresë për Kontrollin dhe Parandalimin e Sëmundjeve nuk kanë zhvilluar simptoma gjatë shtrimit në spital. Kjo mund të reflektojë testimin e gjerë që ka realizuar vendi, u tha gazetarëve më 16 mars Jeong Eun-Kyeong, drejtori i CDC të Koresë së Jugut.
Dokumente të shumta kërkimore kanë treguar mundësinë e përhapjes së koronavirusit tek njerëzit përpara se të shfaqin ethe, kollë dhe lodhje tipike të lidhur me sëmundjen e mushkërive Covid-19.
Ngarkesa virale
Përqendrimet më të larta, ose ngarkesat virale, të zbuluara në pacientë – veçanërisht në hundët e tyre – ndodhën shumë shpejt pasi ata shfaqën simptoma, kanë zbuluar mjekët në Kinë në një studim të 18 pacientëve Covid-19 të monitoruar nga afër për disa javë.
Studimi, botuar të enjten në New England Journal of Medicine, zbuloi që derdhja e materialit gjenetik viral ngjason me atë të pacientëve me grip, por ishte i ndryshëm nga ai i parë 17 vjet më parë në pacientët me sindromë të rëndë akute të frymëmarrjes, ose SARS.
Një nga 18 pacientët nuk ka zhvilluar simptoma, por ngarkesa virale ishte e ngjashme me atë të pacientëve simptomatikë, thonë studiuesit, “i cili sugjeron mundësinë e transmetimit të pacientëve asimptomatikë ose minimalisht simptomatikë”.
Sipas studiuesve, gjetjet tregojnë se ” transmetimi mund të ndodhë herët gjatë infeksionit dhe sugjerojnë që zbulimi i rasteve dhe izolimi mund të kërkojnë strategji të ndryshme nga ato të kërkuara për kontrollin e SARS”.
Kërkime japoneze
Studiuesit në Japoni zbuluan se koha që duhet për një person të infektuar rishtas për të transmetuar infeksionin te një person tjetër është afërsisht 4.6 ditë – rreth një ditë më e shkurtër se periudha mesatare e inkubacionit.
“Kjo sugjeron që një pjesë e konsiderueshme e transmetimit sekondar mund të ndodhë para fillimit të sëmundjes,” shkruajti Hiroshi Nishiura dhe kolegët e Shkollës së Mjekësisë së Universitetit të Hokkaido, në një punim të botuar në Gazetën Ndërkombëtare të Sëmundjeve Infektive.
Rreth 86% e të gjitha infeksioneve Covid-19 ishin “të padokumentuara” përpara zbatimit të kufizimeve të udhëtimit në 23 janar dhe masave të tjera të kontrollit në Kinë, raportuan studiuesit nga Universiteti Columbia në revistën Science javën e kaluar.
“Kjo përqindje e lartë e infeksioneve të padokumentuara, shumë prej të cilëve nuk ka patur simptoma të rënda, duket se kanë lehtësuar përhapjen e shpejtë të virusit në të gjithë Kinën,” thanë ata. Gjetjet shpjegojnë përhapjen e shpejtë gjeografike të virusit “dhe tregojnë se përmbajtja e këtij virusi do të jetë veçanërisht sfidues”./Bloomberg
