Zbardhen propozimet e opozitës në Këshillin Politik në lidhje me qeverinë tranzitore.
Ky propozim është dorëzuar në Këshill dhe kërkohet që një qeveri e tillë të funksionojnë deri sa vendi të anëtarësohet në Bashkimin Evropian.
Në propozimin e PD-së thuhet se qeveria kujdestare do të formohet 100 ditë përpara ditës së zgjedhjeve parlamentare dhe se fillon ushtrimin e detyrës për të garantuar standardet për zgjedhje të lira dhe të ndershme.
Po ashtu opozita pohon se përmes kësaj qeveri do të këtë asnjanësi të institucioneve në zgjedhje, barazi e trajtimit të kandidatëve në lidhje me burimet administrative.
“100 ditë përpara ditës së zgjedhjeve parlamentare, Kuvendi i Shqipërisë, miraton përbërjen e Qeverisë Kujdestare të Zgjedhjeve, e cila pas betimit përpara Presidentit të Republikës, fillon ushtrimin e detyrës për të garantuar standardet për zgjedhje të lira dhe të ndershme, me funksion të posaçëm ndalimin e përdorimit të burimeve publike në mbështetje të subjekteve zgjedhore. Ky rregull zbatohet deri në hyrjen në fuqi të marrëveshjes për anëtarësimin e Republikës së Shqipërisë në Bashkimin Evropian.
Qeveria Kujdestare e Zgjedhjeve ka për detyrë:
të sigurojë asnjanësi dhe paanshmëri të institucioneve të administratës publike në procesin zgjedhor;
të sigurojë barazinë e trajtimit midis kandidatëve dhe partive të ndryshme në lidhje me burimet administrative;
të sigurojë barazi ndërmjet të gjithë subjekteve zgjedhore, duke mbrojtur nga keqpërdorimi i mundshëm i burimeve administrative për qëllime politike”, – pohohet ndër të tjera në dokument.
