Presidenti i SHBA Donald Trump në komentet që bëri të dielën në Twitter, fajësoi “anarkistët e udhëhequr nga ANTIFA” për nxitjen e kaosit. Ai tha se Shtetet e Bashkuara do ta shpallin Antifën një organizatë terroriste.
Lidhja Amerikane Kundër Shpifjes e përshkruan Antifën si “një grumbullim të lirë grupesh, rrjetesh dhe individësh që besojnë në kundërshtimin aktiv dhe agresiv ndaj lëvizjeve të së djathtës ekstreme.”
Trazirat në të gjithë Amerikën kanë pasuar protestat përgjithësisht paqësore pas vdekjes në Mineapolis të 46-vjeçarit George Floyd, afrikano-amerikanit që humbi jetën pasi një oficer i bardhë e kishte vënë poshtë, duke i mbajtur gjurin mbi qafë për më shumë se tetë minuta.
Shtatë gjëra që duhet të dini në lidhje me Antifa
Betejat në internet midis grupeve të ekstremit të djathtë dhe antifashistëve – ose “Antifa” – tani vazhdojnë rregullisht në rrugët e Amerikës.
Po kush janë Antifa dhe çfarë përfaqësojnë ata? Anisa Subedar dhe Mike Wendling të BBC shkuan në brigjet perëndimore të Amerikës për të zbuluar më shumë.
1- Sa kohë ka që ekziston Antifa?
Disa grupe të Antifa-s datojnë që nga vitet ’20 dhe ’30. Nga fillimi i viteve 2000 lëvizja Antifa ishte kryesisht e ‘fjetur’ – deri në ngritjen e Donald Trump-it dhe të së djathtës ekstreme.
2- Si e shqiptohet Antifa?
Sipas Bray, ekzistojnë shqiptime të shumta dhe të ndryshme. Në Shtetet e Bashkuara shumica e njerëzve thonë an-t-fa. Në Evropë nganjëherë quhet anti-far, për të cilin Bray beson se është ndikuar nga fjala italiane antifascismo
3- Për çfarë janë kundër?
Ata vijnë nga larmi të ndryshme politike, por ata janë të bashkuar në kundërshtimin ndaj fashizmit dhe ata kanë një vijë antiqeveritare. Ata thonë se shohin autoritarizmin e rrëshqitur në administratën aktuale amerikane që po kërkojnë të ndërtojnë “një lëvizje që na izolon vërtet nga politikat e Donald Trump”.
“Nuk është vetëm t’i rezistosh administratës federale, por edhe të rezistosh ndaj lëvizjeve që mund të çojnë në fashizëm”, thotë njëri nga anëtarët e tyre”.
4- Pse të gjithë vishen me të zeza?
Ashtu si lëvizjet e tjera të protestës që datojnë nga epoka e Luftës së Ftohtë, si anarkistët e Gjermanisë Perëndimore, edhe mbështetësit aktualë të Antifa shpesh vishen të gjithë me të zeza, ndonjëherë duke i mbuluar fytyrat me maska ose helmeta. Vishen kështu në mënyrë që të mos identifikohen nga policia
5- Çfarë taktikash përdorin?
Antifa synon të prishë planer e së djathtës ekstreme dhe drejtueseve ekstrem të së djathtë. Ata përdorin një shumëllojshmëri të taktikave për ta bërë këtë – përfshirë bërtitjet, brohoritjet dhe formimin e zinxhirëve njerëzorë për të bllokuar demonstruesit e krahut të djathtë. Disa nuk janë të interesuar për taktikat e tyre në internet, të cilat përfshijnë monitorimin e ekstremit të djathtë në mediat sociale. Ata gjithashtu lëshojnë informacion personal në lidhje me kundërshtarët e tyre në internet.
Grupet Antifa gjithashtu përdorin forma më tradicionale të organizimit të komunitetit si mitingje dhe marshime dhe protesta. Fraksionet më ekstreme do mbajnë armë si, thika, tulla dhe zinxhirë – dhe ata nuk e përjashtojnë dhunën.
6- Sa të dhunshëm janë ata?
Gatishmëria e tyre për të përdorur dhunën është e jashtëzakonshme. Ata tregojnë nëse dhuna ndodh, kjo është një formë e vetëmbrojtjes. Ata gjithashtu bëjnë argumente historike për të justifikuar pozicionin e tyre. Për shembull, ata pyesin, po sikur kundërshtarët e Partisë Naziste gjermane të kishin qenë më të fuqishëm në kundërshtimin e tyre në vitet 1930, a mund të ishte shmangur Lufta e Dytë Botërore dhe Holokausti?
7- A bashkohen gratë në grupet Antifa?
Tradicionalisht aksioni i drejtpërdrejtë në rrugë ka qenë një fushë kryesisht e burrave, por një numër i konsiderueshëm i grave janë anëtare të Antifa-s tashmë dhe janë arrestuar shpeshherë.
