Pushime më të gjata të Krishtlindjeve dhe dyqane të mbyllura menjëherë pas 27 dhjetorit. Është ky bllokimi i vështirë që kancelarja gjermane, Angela Merkel, ka në agjendë, për të përballuar sfidën e zvogëlimit të numrit të infeksioneve të reja nga Covid-i në Gjermani, të cilat janë shumë të larta pavarësisht masave të marra deri më tani.
Sipas Bild, plani parashikon që nga 27 dhjetori deri më 3 ose 10 janar, shumica e dyqaneve do të mbyllen (me përjashtim të supermarketeve). Për më tepër, festat e Krishtlindjeve mund të zgjaten me një javë.
Merkel shprehu zhgënjimin e saj me zhvillimet e pandemisë, në një takim të Unionit (CDU-CSU), gjatë së cilës, sipas burimeve të pranishme, ajo e bëri të qartë se me masat aktuale nuk mund të përballemi me dimrin.
“Me parimin e shpresës ne nuk shkojmë përpara”, tha ajo. Megjithatë, edhe këtë herë nuk do të jetë e lehtë të vendosësh masa të reja, pasi Landet janë të parët që do ta kundërshtojnë këtë skenar.
Numri i rasteve të koronavirusit në Gjermani ka tejkaluar pragun prej 1,2 milionë, sipas të dhënave nga Universiteti Johns Hopkins. Deri më tani, 1 200 006 infeksione dhe 19 434 vdekje janë regjistruar në vend, ndërsa 888 701 njerëz janë shëruar që nga fillimi i pandemisë në Gjermani.
