Votuesit zviceranë kanë mbështetur martesat e të njëjtit seks sipas projeksioneve të referendumit të mbajtur të dielën.
Më shumë se 60% kanë votuar pro masës, e cila do të vendoste në të njëjtën linjë Zvicrën me pjesën më të madhe të Europës. Grupe të Kishës dhe partitë opozitare konservatore e kanë kundërshtuar idenë, duke thënë se ajo do të minojë familjen tradicionale.
Zvicra ka lejuar disa çifte homoseksuale të regjistrojnë lidhjen e tyre që prej 2007, por disa të drejta janë të kufizuara. Masa do tu mundësojë çifteve të të njëjtit seks të bëhen prindër.
Përgjatë 20 viteve të fundit shumica e vendeve perëndimore ne Europë kanë njohur martesat homoseksuale, por në Zvicër vendimet e mëdha merren në referendume kombëtare.
Zviceranët gjithashtu do të votojnë për një propozim për të rritur taksat për të pasurit, gjë që ka të ngjarë të dështojë.
