Një urdhër i firmosur nga kryetari i bashkisë së Lecco-s në Itali ndalon ushqyerjen e kafshëve të egra, për arsye shëndetësore dhe shkencore. Kush nuk e zbaton këtë urdhër do të gjobitet deri në 500 euro.
“Duke pasur parasysh biodiversitetin e dukshëm që karakterizon zonën e Lecco-s, dhe duke pasur parasysh praninë në shumë zona të territorit komunal të Lecco-s të kolonive të llojeve më të ndryshme të kafshëve si; pulëbardha, mjellma, pëllumba, lundërza, rosat, macet, qentë endacakë, etj.”, Bashkia Lecco ka nxjerrë një urdhëresë që “ndalon menjëherë këdo që të administrojë çdo lloj ushqimi që përbëhet nga ushqime për kafshë, drithëra dhe mbetje ushqimore të të gjitha llojeve, për të gjitha llojet e kafshëve të egra në të gjithë zonën e komunës së Lecco, subjekt i autorizimeve specifike për qëllime mjekësore ose shkencore”.
“Një masë që ne e pamë të nevojshme ta miratojmë – sqaron Këshilltarja për Mjedisin e Bashkisë Lecco Renata Zuffi – edhe për arsye shëndetësore dhe higjienike, si dhe dekor urban, prandaj është thelbësore të dihet ndalimi dhe të vendoset në veprim, për shëndetin e të gjithëve”. Për ata që nuk zbatojnë urdhëresën, ka një “sanksion administrativ monetar nga 25 deri në 500 euro”.
