“My all” – kënga e Noizy-t dhe Elvana Gjatës – me siguri i ka lumturuar shumë adoleshentët e viteve 2000, të cilët asokohe nuk e mendonin se Elvana dhe Noizy mund të bashkëpunonin. Ndërsa zëri i Luizit në një moment, me gjasë, ka lumturuar komunitetin e TikTok-ut dhe fansat e Luizit.
Noizy publikoi profilin e Luizit në Instagram duke shkruar: “Instagrami zyrtar i çapaçules. Follow të gjithë se kemi një surprizë për të gjithë ju.”
Reperi publikoi linkun e këngës “My all” dhe pasi e dëgjuan me vëmendje, njerëzit vunë re se në minutën 2:19 dëgjohet Luizi duke thënë “Noizy”.
@luizejlli.fan1 ⚠️follow për më shumë video⚠️ #luizejlli #noizy #elvanagjata ♬ original sound – LuizEjlli_Fan👑
Gjatë qëndrimit të tij brenda shtëpisë, Luizi ka shprehur vlerësimin që ka për Noizy-n si artist dhe ka thënë më shaka se dëshiron të bëjë një këngë me Noizy-n, këngë për të cilën nuk ka asnjë pretendim, mjafton që në një moment të thotë thjesht “Noizy” dhe Noizy t’ia kthejë duke thënë “çapaçule”. Zëri në këngën “My all” është shkëputur nga ky moment. Pa dalë nga shtëpia, Luizit iu plotësua dëshira.
