Në Dubai, firma e arkitekturës ZNera Space ka propozuar një dizajn konceptual që paraqet një strukturë rrethore masive pesëkatëshe të mbështjellë rreth rrokaqiellit më të lartë në botë, Burj Khalifa, i cili ngrihet në një lartësi marramendëse 829.8 metra, pothuajse dyfishi i lartësisë së Empire State Building.
Koncepti, i njohur si Downtoën Circle, bashkon komunitetin, luksin dhe planifikimin urban futuristik në një dizajn jashtëzakonisht ambicioz, i cili është sjellë në jetë nga një seri ilustrimeve magjepsëse të krijuara në bashkëpunim me Pictown, një kompani e specializuar në paraqitjet arkitekturore.
Struktura, e destinuar të ngrihet 550 metra mbi nivelin e rrugës, do të ketë një perimetër prej më shumë se tre kilometra. Unaza do të mbështetet nga pesë shtylla të mëdha.
