Një fëmijë 2 vjeç ka humbur jetën pasi, siç bëhet e ditur, ka shfaqur probleme shëndetësore në çerdhe.
Ngjarja ka ndodhur në ambientet e çerdhes Nr. 2, në Burrel ku ishte dërguar nga prindërit.
Vogëlushi ka shfaqur probleme shëndetësore dhe më pas është dërguar nga dy edukatore në urgjencën e spitalit të Burrelit.
Megjithatë, për fat të keq, i mituri nuk ka mundur të mbijetojë. Nuk dihen ende shkaqet që çuan në përkeqësimin e shëndetit të 2-vjeçarit.
Grupi hetimor nën drejtimin e Prokurorisë po vijojnë hetimet për zbardhjen e rrethanave të kësaj ngjarjeje, raporton policia.
