Kreu i SPAK, Altin Dumani ka bërë disa propozime për ndryshime sa i përket kompetencave të këtij institucioni të drejtësisë.
Në raportimin para Këshillit të Lartë të Prokurorisë, Dumani tha se kufiri i shifrës së korrupsionit, që hetohet nga SPAK aktualisht, 50 mijë lekë, duhet të jetë edhe më i lartë.
Ndërkohë, teksa kërkon më shumë hetues të Byrosë Kombëtare të Hetimit, thotë se 20 prokurorë që janë aktualisht janë të mjaftueshëm për të bërë punën.
“Nuk ka nevojë që të shtohet numri i prokurorëve, janë 20, duhen shtuar hetuesit. Duhen parë kompetencat e SPAK për korrupsionin, të flasim për kufirin monetar prej 50 mijë lekësh, ky kufi duhet të jetë shumë më i lartë, ka vend dhe për të riparë edhe disa vepra penale të tjera, por këtë e shoh si emergjente”, u shpreh Dumani.
