I ka mjaftuar një gol i Moise Kean Juventusit për të marrë tri pikët e radhës në kampionat, që e çojnë në kuotën e 78 pikëve në krye të renditjes.
Me Cristiano Ronaldon e lënë pushim pas rikthimit në kombëtaren portugeze, ku pësoi edhe një dëmtim, ishte adoleshenti italian, që përsëriti me klubin formën e shkëlqyer që tregoi në dy ndeshjet e fundit me përfaqësuesen “e kaltër”, ku shënoi gol kundër Finlandës dhe Lihtenshteinit.
19-vjeçari u fut në lojë si zëvendësues dhe shënoi golin e fitores vetëm tre minuta pasi kishte ulur në stol Matuidi, duke shfrytëzuar më së miri krosimin e Mario Madzukic.
