Protesta e studentëve vijon dhe është futur sot në ditën e 12 të saj, por sot para kryeministrisë numri i pjesëmarrësve ishte më i ulët se zakonisht.
Një pjesë e mirë janë larguar në vendlindjet e tyre në rrethe, ndërkohë që të hënën, thonë ata, do të ketë një tjetër protestë masive për të kërkuar me çdo kusht realizmin e 9 kërkesave të tyre.
Protestës së të dielës i janë bashkuar edhe qytetarë të thjeshtë dhe banorë të zonës së Astirit. Të hënën edhe dy partitë politike, PD dhe LSI u kanë bërë ftesë simpatizantëve të tyre, për t’iu bashkuar protestës së studentëve.
Ndërsa kryeministri Edi Rama, në Instagram ka postuar një citim të Eleanor Roosvelt, duke përsëritur thirrjen për dialog.
