Presidenti amerikan Donald Trump do të formalizojë kandidaturën e tij për mandatin e dytë presidencial në Shtëpinë e Bardhë, në datën 18 qershor.
Me anë të një postimi në profilin e tij në Twitter, Trump saktëson se do të shpallë kandidaturën në Orlando, Florida gjatë një takimi elektoral.
Ai shtoi se do të zyrtarizojë garën presidenciale për mandatin e dytë se bashku me Zonjën e Parë Melania, zv/presidentin Mike Pence dhe bashkëshorten e tij Karen Pence, në 18 qershor para 20 mijë të pranishmëve.
“Bashkohu me ne për këtë garë historike” përfundon mesazhin e tij kreu i Shtëpisë së Bardhë.
