Xi Jinping ka gjetur mikun e tij më të mirë. Presidenti kinez e ka cilësuar homologun rus, Vladimir Putin, si shokun e tij të ngushtë në vizitën treditore në Moskë, që është fokusuar te tregtia dhe marrëdhëniet mes dy vendeve.
Vizita vjen ndërsa marrëdhëniet mes Kinës dhe Shteteve të Bashkuara janë trazuar nga një luftë e ashpër tregtare.
Rusia, në anën tjetër, i ka hedhur sytë nga Lindja vite më parë, pasi lidhjet me Perëndimin u tensionuan si pasojë e konfliktit në Ukrainë.
Pandat
Të dyja palët kanë nënshkruar një paketë marrëveshjesh tregtare, ndërkohë që Xi Jinping ka dhuruar edhe dy panda për Kopshtin Zoologjik të Moskës.
Presidenti rus falenderoi homologun kineze pwr “gjestin miqësor” të dërgimit të pandave në Moskë, që sipas tij tregon marrëdhëniet speciale mes Kinës dhe Rusisë.
Aleanca mes dy vendeve është përforcuar, që kur Moska dhe Pekini e panë veten të distancuara nga Europa, e veçanërisht nga SHBA.
Vizita e Xi Jinping në Moskë ka thelluar edhe më shumë bashkëpunimin ushtarak dhe ekonomik, me marrëveshjen kyçe të nënshkruar për lejimin e gjigandit teknologjik kinez, Huawei, për të zhvilluar rrjetin 5G në Rusi.
Çfarë është “Panda diplomacia”?
Ariu panda është një nga simbolet e Kinës. Të gjithë e dinë se atdheu i këtij ariu të rrallë tepër të pëlqyer nga të gjithë është Kina.
Diplomacia kineze hershëm ka përdorur pandat si dhuratat diplomatike për vendet e tjera. Kjo praktikë ka ekzistuar që në sundimin e dinastisë kineze Tang në vitet 625-705, kur perandori Wu Zetian i dërgoi një çift pandash perandorit japonez. Kjo praktikë diplomatike rinisi në vitet ’50-të të shekullit të kaluar për të vazhduar suksesshëm deri në ditët tona.
