DASHI
Do të ndiheni disi konfuzë, për sa i përket aspektit profesional. Nuk do ta keni shumë të qartë çfarë iniciativash të ndërmerrni. Hidhini hapat me maturi, në mënyrë që t’i keni idetë më të qarta. Duket se gjithçka do të shkojë mirë në aspektin sentimental. Ky është momenti i përshtatshëm për t’i shprehur ndjenjat dikujt që e keni për zemër.
DEMI
Këtë javë do të jeni të përqendruar te puna. Kjo nuk do parë si diçka negative, sepse do të arrini të përfundoni projektet që keni nisur dhe të ardhurat do të shtohen. Në aspektin personal gjërat duket se nuk do të shkojnë fort mirë. Mund të keni probleme në familje ose do të hasni vështirësi në komunikimin me partnerin.
BINJAKËT
Gjatë pjesës së parë të javës do të ndiheni energjikë, kurse gjatë pjesës së dytë do t’ju mposhtë lodhja. Në këto rrethana do të ishte e këshillueshme që të pushonit pak. Do të jetë gjithsesi një javë pozitive për ju. Në aspektin profesional do të merrni një konfirmim që e prisnit prej kohësh. Bëni kujdes në fundjavë, sepse diçka mund të shkojë keq.
GAFORRJA
Keni kaluar ditë të vështira, por më në fund fati po ju buzëqesh dhe do të gjeni qetësinë e munguar. Do të jeni veçanërisht aktivë në aspektin sentimental. Do të ndieni dëshirën të dilni me partnerin për të kaluar mbrëmje të paharrueshme. Hëna në shenjën tuaj do t’ju bëjë mjaft optimistë për të ardhmen. Fundjava do të jetë e këndshme dhe e qetë.
LUANI
Kjo javë do t’ju gjejë duke punuar si robotë të vërtetë. Do të kryeni të gjitha detyrat që do t’ju caktojnë pa ndier lodhje. Suksesi nuk do të vonojë të vijë dhe ndoshta edhe ngritja në detyrë. Hëna dhe Marsi të kthyer nga shenja juaj do të ndikojnë që të përjetoni momente lumturie. Do të ndieni emocione të forta, sidomos nëse prej pak kohësh dikush ka hyrë në jetën tuaj. Veproni pa u nxituar.
VIRGJËRESHA
Ditët e para të javës do të ndiheni paksa nervozë. Do të jeni të stresuar për shkak të ngarkesës në punë. Për fat, do t’ia dilni mbanë falë ndihmës së një kolegu që do t’ju bëhet krah në këtë sipërmarrje të vështirë. Në fundjavë do të ndiheni në humor të mirë dhe më në fund do të përjetoni çaste qetësie.
PESHORJA
Kjo do të jetë një javë e ngarkuar për të lindurit e kësaj shenje. Stresi që keni do të reflektohet në marrëdhënien me të tjerët, qoftë ky partneri apo kolegët tuaj. Duhet të bëni durim, pasi disa pengesa në punë mund t’ju bëjnë të ndiheni nervozë. Në aspektin sentimental situata parashikohet të jetë shumë më e mirë, sepse Hëna ju favorizon dhe ju dhuron fat.
AKREPI
Gjatë këtyre ditëve do të jeni paksa nervozë. Për shkak të diskutimeve me tone të larta dhe fjalëve thumbuese në adresën tuaj, do të ndieni dëshirën për të qëndruar vetëm. Përpiquni të qetësoheni! Në aspektin profesional Mërkuri do t’ju mbështesë dhe do t’ju favorizojë në realizimin e projekteve tuaja. Në fundjavë, një problem sentimental mund të ndikojë që të jeni në humor të keq.
SHIGJETARI
Gjatë kësaj jave do të jeni shumë të ngarkuar për shkak të punëve të shumta që duhet të mbaroni. Por, falë aftësive tuaja krijuese dhe optimizmit tuaj, ky nuk ka për të qenë një problem. Do të arrini të gjeni kohë edhe për t’iu përkushtuar partnerit. Merrini gjërat me qetësi dhe rrethohuni nga njerëz pozitivë.
BRICJAPI
Hëna në pozicion të pafavorshëm për shenjën tuaj mund t’ju bëjë ndonjë shaka të shëmtuar. Nëse keni në dorë një projekt që ka lidhje me punën, mos u nxitoni për ta vënë në zbatim. Prisni për momentin e duhur për hapin e radhës. Të premten dhe të shtunën do të keni mosmarrëveshje me partnerin.
UJORI
Pas telasheve që ju dolën javën e kaluar, keni vendosur që të tregoheni më të matur dhe të kuptoni nëse po bëni gjënë e duhur. Për fat, pritet që të merrni lajme të mira gjatë ditëve në vazhdim. Puna do t’ju ecë mirë, edhe për sa i përket aspektit sentimental yjet do t’ju favorizojnë dhe do t’ju sjellin shumë kënaqësi.
PESHQIT
Këtë javë pritet që të jeni disi më të lirshëm nga angazhimet tuaja, prandaj fare mirë mund t’i shfrytëzoni këto ditë për t’u çlodhur dhe të bëni diçka për të shpëtuar njëherë e mirë nga melankolia që duket se nuk po ju ndahet. Merrini gjërat me qetësi dhe kini parasysh se bëhet fjalë për një periudhë kalimtare.
