Ditmir Bushati nga sot nuk do të jetë më drejtuesi politik i qarkut të Shkodrës.
Në Asamblenë Kombëtare të Partisë Socialiste, Rama e zëvendësoi Bushatin me Valdrin Pjetrin, kryebashkiakun e ri të Shkodrës.
“Nuk ka rëndësi posti, rëndësi ka për çfarë çështjesh luftoj e punoj, mungesa e ofiqit më ndihmon të çoj përpara projektet për të cilat jam angazhuar”, tha Bushati për mediat.
Rama propozoi ndryshime në udhëheqjen e socialistëve të qarqeve.
“Jam gati të propozoj disa ndryshime në udhëheqjen e qarqeve. Përsa i përket sekretariatit, kemi rënë dakord që të bëjmë disa ndryshime të nevojshme. Së pari kemi menduar të kemi një sekretar që të koordinojë punën e këtyre këshillave dhe rezultatet që dalin dhe nevoja për t’u adresuar nga qeveria apo institucionet e tjera”, tha Rama.
Qarku i Tiranës do drejtohet nga Elisa Spiropali dhe Ervin Bushati. Ikën Blerina Gjylameti.
Qarkun e Lezhës do e drejtojë Sandër Lleshi. Ikën Lindita Nikolla.
Sekretarët e rinj
Ilir Beqja emërohet Sekretar për Koordinimin e Këshillave Drejtues
Lindita Nikolla, sekretare për burimet njerëzore
Blerina Gjylameti, sekretare për dixhitale
Sekretar për Rininë, Gent Cakaj
Sekretar për Organizimin dhe Kordinimin, Arben Pëllumbi
