Dokumentet e KGB-së të lëshuara në Rusi përshkruajnë Presidentin rus Vladimir Putin në fillim të karrierës së tij si një spiun “me ndërgjegje dhe të disiplinuar”.
“Shoku Putin … po ngre vazhdimisht nivelin e tij ideologjik, politik dhe profesional”, thuhet në një dokument të qarkulluar në median ruse.
Putin, tani 67-vjeçar, punoi për Shërbimin Sekret të Bashkimit Sovjetik nga mesi i viteve 1970 dhe u dërgua në Dresden, atëherë Gjermania Lindore, nga viti 1985 deri në vitin1990, në një kohë kur pushteti Sovjetik ishte duke u shembur.
Në Kremlin, Putini u rrethua me shumë ish-punonjës të Shërbimit Sekret, dhe FSB, pasardhëse e KGB-së, u bë një agjenci e fuqishme.
Profili i Putinit nga KGB është pjesë e një ekspozite në Arkivin Qendror të Dokumenteve Historike dhe Politike në Shën Petersburg, ku mund të shihen dokumente të tjera të deklasifikuara.
Eprorët e rinj të Putinit u uruan gjithashtu nga shërbimi sekret për “punën dhe rezultatet e mira”, thuhet në dokument.
Putin, i cili ka qenë në pushtet në Rusi për dy dekada si president ose kryeministër, zbuloi në vitin 2016 se ai po mbante kartën e anëtarësimit në Partisë Komuniste të BRSS për arsye sentimentale.
