Alarmi i koronavirusit rriti ndjeshëm kërkesat për maska dhe produkte të tjera që parandalojnë simptomat e gripit.
Për këto raste, Prokuroria e Tiranës ka nisur kryesisht hetimet për abuzimet me çmimet. Hetimet kanë nisur pas informacioneve në media dhe shqetësimit të qytetarëve.
Rritja e beftë e kërkesës është shoqëruar me abuzime më çmime, sidomos nga depot farmaceutike.
Çmimi është thuajse trefishuar, ndërsa maskat prej karboni nga 330 lekë sot u shitën 800 lekë.
Edhe pse nuk ka asnjë rast të konfirmuar zyrtarisht, shumë njerëz kanë shtuar masat sidomos për higjienën, duke blerë e përdorur masivisht dezinfektantët.
Mjekët thonë se paniku i përhapur në popullatë është i ekzagjeruar. Mjekët thonë se kujdesi ndaj higjienës personale dhe shmangia e mjediseve të mbyllura, është mbrojtja më e mirë në këtë periudhë virozash.
