Aktualitet Aksident me vdekje në autostradën Thumanë-Laç

Aksident me vdekje në autostradën Thumanë-Laç

Një aksident i rëndë ka ndodhur mbrëmjen e kësaj të premte në autostradën Thumanë-Laç ku si pasojë ka humbur jetën një këmbësor ende i paidentifikuar.

Viktima dyshohet se ka tentuar të kalojë nga njëri krah i rrugës në tjetrin kur është përplasur nga automjeti.

Drejtuesi 21-vjeçar i automjetit që shkaktoi aksidentin është shoqëruar në polici për veprime të mëtejshme.

“Më datë 14.03.2025, rreth orës 19:00, në autostradën Thumanë-Laç, automjeti me drejtues shtetasin F. T., 21 vjeç, ka aksidentuar një shtetas ende të paidentifikuar(këmbësor) i cili për pasojë ka humbur jetën.

Drejtuesi i automjetit është shoqëruar në Komisariat për veprime të mëtejshme.

Grupi hetimor po punon për sqarimin e rrethanave të aksidentit”, njofton policia.