Këngëtarja e njohur nga Kosova, Fjolla Morina mësohet se është larguar nga banesa në qytetin e Kukësit ku po kryente masën e sigurisë arrest shtëpie të dhënë nga Gjykata shtatorin e vitit të kaluar.
Mësohet se ajo është arratisur nga banesa sot pasdite dhe nuk ka njoftuar kënd për largimin e saj.
Forca të policisë të Kukësit kanë shkuar në banesë, por nuk e kanë gjetur këngëtaren brenda.
Fjolla Morina u arrestua disa muaj më parë në pikën kufitare të Morinit pasi në çantën e saj u kap një armë që e mbante pa leje.
Por procesi ndaj saj është shtyrë disa herë pasi ka pasur mosmarrëveshje mes prokurorisë dhe gjykatës në lidhje me akuzën për posedim pa leje i armëve apo trafik ndërkombëtar të armëve.
