Një mësues në Britani, vëllai i të cilit kishte fituar çmimin prej 500 mijë paundësh, ka vendosur të provojë dhe vetë fatin në lojën “Kush dëshiron të bëhet milioner?”
Dhe 57-vjeçari Donald Fear, duket se paska qenë akoma më me fat, pasi ka rrëmbyer çmimin e parë prej 1 milionë paundësh, duke u bërë fituesi i parë në 14 vjet që e fiton këtë shumë.
Vëllai Davyth, i cili jep mësim gjeografie, u shfaq në shfaqje në shtator të vitit të kaluar. Donaldi tha se vëllai i tij ishte “heroi dhe miku i tij më i mirë”.
Donald Fear, i cili është mësues i historisë dhe politikës i ra një pyetje të cilën ai e dinte shumë mirë: “Në 1718, cili pirat vdiq në betejë në brigjet e asaj që tani është Karolina e Veriut?”
Opsionet ishin: Calico Jack, Blackbeard, Bartholomew Roberts dhe Kapiteni Kidd.
Përgjigja e tij fituese ishte Blackbeard.
Fear tha se ai i kishte mësuar piraterinë një grupi studentësh rreth tetë vjet më parë dhe e mbante mend dhe datën, por edhe vitin 1718.
Prezantuesi shprehu habinë e tij për njohuritë e mësuesit të historisë përgjatë 15 përgjigjeve të sakta.
Siç shkruan BBC, Donald Fears është fituesi i gjashtë i një milion paundëve në historinë 22-vjeçare të shfaqjes. Plot 14 vjet askush nuk e kishte fituar këtë shumë.
Pas fitores së tij, babai i katër fëmijëve festoi duke shkuar në një festë në bregdetin e Northumberland me gruan e tij prej 33 vjetësh, infermieren Debs.
Dhe vëllai i tij i madh Davyth ka qenë gjithashtu pjesë e festimeve të tij.
“Ai është kaq i kënaqur për mua”, tha Donald Fear.
57-vjeçari tha se ai donte t’ia jepte të paktën 70% të parave familjes së tij dhe me pjesën tjetër të kalonte një “pension të rehatshëm”.
Që kur fitoi çmimin e parë, ai ka dhënë dorëheqjen nga shkolla ku jepte mësim.
