Në një intervistë për radion britanike TalkSport, babai i O’Ney frenon entuziazmin: “Gjëja më e rëndësishme është që ai të mund të kthehet në fushë në nivelin e tij maksimal”.
Duket ekzaktësisht si një mallkim për Neymar, kur luan për Brazilin. Ai që ka shqetësuar më shumë brazilianët është babai i yllit të Selecao.
Në intervistën e dhënë prej tij, Neymar është larg nga të qenit gati për tu kthyer. Një mallkim i nisur në 2014, kur ai doli i dëmtuar në çerekfinalen e Botërorit në shtëpi, për shkak të ndërhyrjes së Zuniga. O’Ney u largua nga fusha në ndeshjen kundër Kolumbisë, duke humbur kështu pjesëmarrjen në gjysmëfinalen dramatike kundër Gjermanisë. Më pas ai humbi edicionin fitues të Copa America 2019, sërish për shkak të një dëmtimi. Tani është radha e Katar 2022. Problemi i kaviljes i pësuar në debutimin e tij kundër Serbisë, e vë në dyshim të ardhmen e tij në Botëror.
Babai i tij, da Silva Santos, foli për radion britanike TalkSport për Kupën e Botës të djalit të tij, duke frikësuar tifozët e Brazilit: “Unë mendoj se Neymar do të kthehet në fushë vetëm për finalen. E do të bëjë çmos për të ndihmuar shokët e tij të fitojnë kompeticionin. Gjëja më e rëndësishme është që ai të mund të kthehet në fushë në nivelin e tij maksimal. Të gjithë e dinë që djali im ka një ndikim të madh në grup. Ai është numri një.
Pele? Ai është lojtari më ikonë në botë, të gjithë e duan atë. Djali im shpreson që të bëhet mirë dhe i uron më të mirat”.
