Partitë opozitare të Turqisë, shpesh të ndara, janë bashkuar për të zgjedhur një kandidat të vetëm për t’u përballur me Presidentin Rexhep Erdogan në zgjedhjet që do të mbahen në maj.
Kemal Kilicdaroglu drejton partinë kryesore të opozitës laike, Partinë Popullore Republikane të qendrës së majtë.
Sondazhet sugjerojnë një garë të ngushtë në vendin shumë të polarizuar tashmë pas dy dekadash të sundimit autoritar të Erdoganit.
Kriza ekonomike dhe gabimet në përgjigjen ndaj tërmetit që goditi vendin muajin që lamë pas mund ta bëjnë liderin turk më të prekshëm se në zgjedhjet e mëparshme.
Një turmë e madhe mbështetësish brohoritën për Kilicdaroglu, ish-nëpunës civil, pasi ai u zgjodh nga një aleancë e opozitës me gjashtë parti.
I njohur si “Gandi Kemal” ose “Gandi i Turqisë” për ngjashmërinë e tij me liderin udhëheqësin e të drejtave civile Mahatma Gandi, 74-vjeçari me fjalë të qeta ofron një vizion rrënjësisht të ndryshëm si në përmbajtje ashtu edhe në stil me atë të Erdoganit.
