Pothuajse 20% e fëmijëve emigrantë që kanë mbërritur të pashoqëruar në Britani të Madhe këtë vit janë zhdukur, raporton BBC.
‘Ecpat UK’ që fushatë për të mbrojtur fëmijët nga shfrytëzimi, tha se shifrat janë shumë shqetësuese.
Nga të dhënat e siguruara nga BBC, 197 fëmijë shqiptarë janë pranuar në njësinë e pranimit në Kent duke iu nënshtruan kujdesit nga 1 janari deri më 31 tetor.
Por, deri më 7 nëntor, 39 ishin regjistruar si të zhdukur.
Këshilli tha se kishte punuar ngushtë me Zyrën e Brendshme dhe policinë për të mbrojtur fëmijët.
Shkrimi i plotë
BBC ka zbuluar se pothuajse 20% e fëmijëve emigrantë të pashoqëruar nga Shqipëria të marra nga Këshilli i Qarkut Kent këtë vit janë zhdukur. Autoriteti vendor ka pranuar deri më 31 tetor 197 fëmijë shqiptarë, 39 prej të cilëve janë zhdukur.
Sipas “Ecpat UK”, e cila bën fushatë për të mbrojtur fëmijët nga shfrytëzimi, tha se shifrat ishin shumë shqetësuese.
Këshilli tha se kishte punuar ngushtë me Zyrën e Brendshme dhe policinë për të mbrojtur fëmijët që mund të shfrytëzohen pasi kalojnë në Britaninë e Madhe.
Shifrat u morën nga BBC përmes një kërkese zyrtare për informacion.
Këshilli tha se 197 fëmijë shqiptarë të pranuar në njësinë e pranimit të Ministrisë së Brendshme në Kent iu nënshtruan kujdesit nga 1 janari deri më 31 tetor 2022.
Ai shtoi se deri më 7 nëntor, 39 ishin regjistruar si të zhdukur, ndërsa tha se disa nga ata fëmijë do të kishin mbushur 18 vjeç në këtë datë.
Shifrat e qeverisë të mbledhura nga BBC tregojnë se 44,122 qytetarë kanë kaluar me gomone deri më tani në Angli krahasuar me 28,461 që mbërritën në 2021.
Kjo kontribuoi në mbipopullimin në qendrën e përpunimit Manston në Kent, e cila në një moment mbante më shumë se dyfishin e kapacitetit të saj, me rreth 4 000 njerëz.
Rritja e numrit të rasteve të difterisë në mesin e azilkërkuesve që kanë mbërritur së fundmi në MB ka qenë gjithashtu një shqetësim.
Ndërkohë, një plan i qeverisë për të dërguar disa azilkërkues në Ruandë është aktualisht në pritje pasi përballet me një sfidë ligjore në gjykatë.
