Përdoruesit e rrjeteve sociale kanë raportuar sërish probleme në aplikacionet e Mark Zuckerberg, Instagram, Facebook dhe WhatsApp.
Problemet më të mëdha i kanë përdoruesit në Britani, SHBA, por edhe në shtetet e tjera evropiane.
Përdoruesit hasin probleme në postimet në Instagram e Facebook, ndërsa në WhatsApp në dërgimin e fotove dhe videove.
Shkaqet e problemeve janë ende të paqarta, ndërsa nuk ka ende një reagim zyrtar.
Gjatë këtij viti, kjo është hera e tretë që aplikacionet e Mark Zuckerberg shfaqin probleme dhe zgjasin për një kohë të gjatë. Hera e fundit ishte më 14 prill.
