Bill Clinton, ish-Presidenti i Shteteve të Bashkuara të Amerikës feston sot ditëlindjen e 77-të.
Bill Clinton (William Jefferson Clinton) lindi më 19 gusht të vitit 1946 në Hope, Arkansas, SHBA. Presidenti i 42-të i SHBA-ve ka më shumë se 22 vjet që ka lënë detyrën e kreut të shtetit në SHBA, por në memorien e kombit tonë ai mbetet personaliteti më i rëndësishëm pro-shqiptar dhe ai që ka bërë më shumë se askush tjetër për shqiptarët.
Më 3 korrik, në vigjilje të Ditës së Pavarësisë së SHBA-ve (4 Korrik), ish-Presidenti vizitoi Tiranën ku u prit me një ceremoni të veçantë.
Gjatë saj, ai u nderua me “Yllin e Mirënjohjes për Arritjet Publike”, çmimi më i lartë që jepet nga zyra e Kryeministrit.
Ish-Presidenti Clinton gëzon një popullaritet të madh mes shqiptarëve, për shkak të mbështetjes së tij për Kosovën dhe udhëheqjes së fushatës së bombardimeve ndaj Serbisë.
