Kryesore Dhunë dhe përplasje me policinë, shikoni përmes fotove protestën në Athinë

Dhunë dhe përplasje me policinë, shikoni përmes fotove protestën në Athinë

| Nga American Eye
Shpërndaje

Shtatë persona janë arrestuar dhe të paktën 30 janë plagosur si pasojë e protestave të dhunshme në sheshin Sintagma në Athinë kundër marrëveshjes së Prespës për emrin e Maqedonisë.

Sipas autoriteteve rreth 300 ekstremistë morën pjesë në sulmet ndaj policisë.

Ndërsa numri i protestuesve përpara parlamentit grek ishte rreth 60 mijë.

Nga radhët e policisë raportohet se u plagosën 25 efektivë.

Grupet e protestuesve hodhën sende të forta dhe lëndë plasëse ndaj policisë, ndërsa këta të fundit përdoren gaz lotsjellës dhe shkopa gome.

Protesta u zhvillua përpara votimit në Parlament të marrëveshjes, e cila nuk dihet nëse do të miratohet për shkak të mazhorancës së dobët të kryeministrit Aleksis Tsipras.