Lideri i Lëvizjes Vetëvendosje, Albin Kurti e ka quajtur “pazar” dialogun me Serbinë.
Ai ka paralajmëruar se nëse nuk ndalen idetë e presidentit që në dialog të diskutohen territoret e Kosovës, kjo Lëvizje do të organizojë protesta masive.
“Protesta e 29 shtatorit ka qenë masive, por ajo do të jetë e vogël krahasuar me protestat e ardhshme nëse nuk ndalet ky president”, ka thënë Kurti, transmeton Zëri.
Kurti u shpreh se nuk është e drejtë të dialogohet në Bruksel përderisa për luftën në Kosovë po gjykohet UCK e jo ushtarët e Serbisë.
“Nuk ka kuptim dialogu përderisa dërgohen ftesa nga gjykata speciale për ushtarët e UÇK-së. Edhe gjykata edhe negociata nuk shkon. Nuk guxojmë të gabojmë duhet të nxjerrim mësime nga gabimet e dialogut 6 vjeçar”, theksoi ai.