Pazari online, apo i njohur ndryshe si blerjes e shërbimeve ose mallrave në internet, po bëhet gjithnjë e më i shpeshtë edhe në trojet shqiptare.
Kjo mbetet një mënyrë e lehtë dhe e shpejtë për të blerë artikuj të shumëfishtë ose për të krahasuar normat e ofruesve të shërbimeve nga komoditeti i shtëpisë me ndihmën e celularit.
Përfitimi i blerjeve në internet është që të kursen kohë, sepse nuk ke nevojë të shkosh fizikisht në një dyqan. Disa konsumatorë mund të kursejnë të holla, kur kostoja e një lidhje interneti krahasohet me shpenzimet vajtje-ardhje të një automjeti që udhëton drejt një dyqani.
Disavantazhi i blerjes në internet është se ju nuk mund ta shihni produktin fizik që blihet, e as të takoni ofruesin e shërbimit. Pjesa tjetër e dilemës është nëse mund t’i besoni përshkrimit të mallrave dhe shërbimeve, në mënyrë që nevojat personale të mund të përmbushen.
Këtu janë disa pro dhe kundra të blerjeve online që janë mjaft të diskutuara:
Cilat janë të mirat e blerjes në internet?
- Është e lehtë të krahasohen çmimet
Faqet e internetit shpesh përdorin të njëjtin produkt. Imagjinoni sikur të keni nevojë për të udhëtuar në “x” dyqan për të kontrolluar çmimin dhe më pas ju duhet të udhëtoni në “y” dyqan sa për krahasim. Falë internetit, të dy dyqanet mund të kenë faqet e internetit në mënyrë që çmimet mund të krahasohen në çast.
- Konsumatorët kanë më shumë qasje në shumëllojshmëri produktesh
Nuk ekzistojnë kufizime lokale kur pazaret kryhen në internet. Konsumatorët mund të blejnë në nivel global për mallrat ose shërbimet që ata duan ose kanë nevojë. Megjithëse shpenzimet e transportit për blerjet ndërkombëtare do të jenë më të larta dhe mund të ndodhin vonesa deri në 12 javë, ka pak kufizime. Kjo do të thotë se ka një larmi Në procesin e blerjes.
- Nuk ka radhë për pritje te arka
PazarI online është i thjeshtë dhe i lehtë. Vetëm shtoni mallrat ose shërbimet e kërkuara në kartelë dhe konfirmoni blerjen. Kaq.
- Dërgimi i dhuratave është më i mirë në internet
Pazari tradicional kërkon që konsumatorët të blejnë një artikull, ta paketojnë atë dhe pastaj të paguajnë për transportin në mënyrë që të mund të dorëzohet si një dhuratë. Kur pazaret kryhen në internet, klientët vetëm duhet të ndryshojnë adresën e dërgesës për ta dorëzuar paketën. Me një shërbim si Amazon Prime, kjo shpesh bëhet pa kosto ekstra.
- Produktet e shitura në internet shpesh janë më të lira se ato në dyqane
Për të inkurajuar blerjen në internet, shumë dyqane ofrojnë ulje në produktet e blera në internet në krahasim me produktet e blera në dyqanet e tyre.
Cilat janë dobësitë e blerjeve online?
- Produktet nuk mund të provohen para se të blihen
Nëse dikush është i pasigurt se sa vlerë mund të ketë produkti, nuk ka asnjë mënyrë për të hequr këtë shqetësim kur pazaret kryhen në internet. Rrobat apo këpucët nuk mund të provohen. Elektronika nuk mund të verifikohet derisa të pranohet. Kjo do të thotë se ka një rrezik të caktuar për një blerje në internet, edhe nëse përshkrimi i produktit është i saktë.
- Mund të ketë shpenzime të transportit ose vonesa
Shumë uebfaqe ofrojnë transport falas, por vetëm nëse urdhri plotëson një prag të blerjes, i cili shkon deri në 50 euro.
- Nuk ka garanci për dorëzim
Nëse shikoni me kujdes në fund të faqes, gjithmonë shkruhet se dorëzimi nuk është 100% i garantuar
- Pagesat e transportit mund të jenë më të larta se kostoja e produktit
Ndodh që një klient dëshiron të blejë një gjë që kushton është 4.95 euro, por kostoja për dërgesën është 5.95 euro. Kjo do të thotë që kostoja e dërgesës është në disproporcion me koston e produktit.
