Indekset në tregun e aksioneve në New York Wall Street kanë parë ditën e tyre më të keqe në më shumë se tre dekada, me Presidentin amerikan Donald Trump duke thënë se ekonomia amerikane mund të shkojë drejt një recesioni për shkak të koronavirusit.
Dow Jones përfundoi në minus 12.9 përqind, humbja më e madhe e këtij indeksi që nga e ashtuquajtura e Hëna e Zezë në vitin 1987.
Ky indeks ka arritur të kapërcejë një rezultat katastrofik që nga e enjtja, kur u fundos 10 përqind.
Standard and Poors 500 e mbaroi ditën në 12 përqind në minus, që do të thotë se ka rënë gati 30 përqind që nga vendosja e rekordit të lartë më pak se një muaj më parë dhe është në nivelin e tij më të ulët që nga fundi i 2018.
Rënia e indeksit u përshpejtua në gjysmën e fundit të tregtimit të hënën, pas deklaratës së Trump se ekonomia mund të shkojë drejt recesionit dhe duke i nxitur amerikanët të shmangin grumbullimet e më shumë se dhjetë personave, si pjesë e luftës kundër pandemisë.
Indekset e Nju Jorkut u mbyllën edhe pse Rezerva Federale (FED) lëshoi një paketë të re të lëvizjeve emergjente përpara tregtimit.
Humbjet në Wall Street në javët e kaluara kanë qenë më të mprehta që nga kriza globale ekonomike e vitit 2008.
Trump dhe investitorë të tjerë profesionistë thonë se tregu i aksioneve mund të rikuperohet ndjeshëm, sapo profesionistët e shëndetësisë e vendosin nën kontroll virusin.
Problemi është se askush nuk e di se kur mund të ndodhë kjo.
Në Evropë, DAX i Gjermanisë u mbyll në 5.3 përqind, CAC 40 i Francës përfundoi në minus 5.8 përqind, ndërsa FTSE 100 i Britanisë ra në 4.0 përqind.
Indeksi FTSE MIB i Italisë u mbyll me 6.1 përqind në të kuq.
Në lindje, Nikkei 225 i Japonisë ra në 2.5 përqind, Kospi i Koresë së Jugut në 3.2 përqind dhe Hang Seng i Hong Kongut në 5 përqind.
S&P / ASX 200 i Australisë përfundoi në 9.7 përqind.
