“Do të dhuroj para deri sa të boshatiset kasaforta”. Këto ishin fjalët e MacKenzie Scott në 2019 dhe shumë pak i besuan. Kjo sepse 51-vjeçarja është një nga gratë më të pasura në botë, dhe në kasafortën e saj ndodheshin në atë kohë rreth 68 miliardë dollarë.
Por mesa duket ajo po e mban premtimin e saj. Ish-bashkëshortja e themeluesit të Amazon Jeff Bezos, ka dhuruar rreth 8 miliardë dollarë, 2.7 miliardë vetëm në orët e fundit
Deri më tani, ish-bashkëshortja e themeluesit të Amazon Jeff Bezos, ka dhuruar rreth 8 miliardë dollarë, 2.7 miliardë vetëm në orët e fundit. Sipas burimeve, përfituesit janë 286 organizata që operojnë kryesisht në fushën e barazisë gjinore dhe raciale, por edhe në art dhe universitete.
“Dëshiroja t’u dhuroja atyre që deri më tani kanë patur financime të pakta”, deklaroi ajo.
MacKenzie Scott, e cila që nga ajo kohë është martuar me profesorin e shkencës Dan Jewett, tha se ajo dhe burri i saj ishin “shtyrë nga besimi se do të ishte më mirë nëse pasuria joproporcionale nuk do të ishte në duart e disa njerëzve”.
Miliarderja më parë kishte dhuruar rreth gjashtë miliardë dollarë për të ndihmuar ata që ishin më të prekur ekonomikisht nga epidemia e koronavirusit dhe më pas tha se donte të zvogëlonte shpërndarjen e pabarabartë të pasurisë.
Pavarësisht dhuratave marramendëse, zonja Scott mbetet sërish personi i 22-të më i pasur në botë, me një pasuri rreth 59.5 miliardë dollarë. Kasaforta e saj kërkon shumë kohë për t’u boshatisur.
