Familja e madhe Trump fitoi një anëtar tjetër pasi presidenti amerikan u bë gjysh për të dhjetën herë. Gruaja e një prej djemve të tij, Eric, lindi një vajzë të hënën (19 gusht).
“Lara Trump dhe unë jemi të entuziazmuar që e mirëpresim në këtë botë, Carolina Dorothy Trump. Ne të duam!”, ka shkruar djali i tij i tretë Donald Trump në Tëitter.
E porsalindura është e dhjeta nga nipërit dhe mbesat e presidentit 73-vjeçar që ka pasur pesë fëmijë nga tre martesat e tij. Dy të parët, Donald Junior dhe Ivanka – nga martesa e tij e parë – kanë përkatësisht pesë dhe tre fëmijë. Eric dhe Lara kanë një djalë. Që nga janari i vitit 2017, kur Donald Trump mori përsipër presidencën e SHBA, Eric Trump dhe Donald Jr. po drejtojnë Organizatën Trump, kompani që administron investimet e familjes në të gjithë botën.
Ajo shpesh shfaqet në ekranet televizive për të mbrojtur politikën e vjehrrit të saj.
