Këngëtarja shqiptare me famë botërore, Dua Lipa pas përfundimit me sukses të “Sunny Hill Festival” në Kosovë është shpërngulur në Shqipëri.
Ditën e sotme ajo ka drekuar së bashku me babain e saj, Dukagjin Lipën në restorantin e njohur në Lezhë, “Mrizi i Zanave”.
Këtë gjë e ka bërë me dije vetë restoranti përmes një postimi në rrjetet sociale. Dua me thjeshtësinë e saj ka pozuar me stafin.
“Frymëzimi dhe esenca e Dua Lipas që ka nevojë urgjente rinia Shqiptare!
Është urgjente me kuptu që fama nuk arrihet me drogë, armë, fjalë të pista, gangsta apo operacione plastike, silikon siç po ju mësojnë disa “vipa” vendas!!
Vlera është vetëm tek arti, shija, esenca e së bukurës, patriotizmi dhe mbi të gjitha familja siç na mëson Dua Lipa, Dukagjin Lipa me familjen.
Faleminderit me zemër që na preferuat Dua Lipa dhe Dukagjin Lipa”, shkruhet në postimin e “Mrizit të Zanave”.
