Kur bëhet fjalë për të zgjedhur për destinacione luksoze pushimesh, Lindja e Mesme është destinacioni që kryeson listat. Dy qytetet më të rëndësishme të Emirateve të Bashkuara Arabe, Dubai dhe Abu Dhabi janë dy prej destinacioneve që zgjidhen nga shumë turistë. Por cili prej këtyre të dyve ia vlen më shumë që të vizitohet?
Më poshtë do të lexoni disa prej pyetjeve më të rëndësishme, për t’ju dhënë një përgjigje sa më të saktë në këtë drejtim:
A është Dubai dhe Abu Dhabi e njëjta gjë?
Edhe pse të shumtë mund të jenë personat që ngatërrohen si pasojë e ngjashmërisë së emrave të tyre, Dubai dhe Abu Dhabi nuk janë e njëjta gjë. Abu Dhabi është qendra qeveritare e Emirateve të Bashkuara Arabe, ndërsa Dubai është më shumë një qendër ndërkombëtare për bizneset dhe turizmin. Fatmirësisht, këto dy qytete janë vetëm një orë e gjysmë larg nga njëri-tjetri, prandaj nëse vendosni të vizitoni njërin prej tyre mos lini pa vizituar edhe tjetrin.
A është Dubai më i mirë se Abu Dhabi?
Nëse ju e konsideroni Dubain më të mirë se Abu Dhabin (apo e anasjellta), varet vetëm nga natyra e vizitës suaj në Emiratet e Bashkuara Arabe.
A është Dubai më i shtrenjtë se Abu Dhabi?
Si Dubai ashtu edhe Abu Dhabi janë qytete shumë të shtrenjta. Por duke qenë se Dubai është më i frekuentuar nga turistët, këtu ju do të keni mundësi që të gjeni hotele më të lira.
A është Dubai më i sigurtë se Abu Dhabi?
Si Dubai ashtu edhe Abu Dhabi janë qytete shumë të sigurta, madje këto dy qytete renditen si dy prej më të sigurta në botë. Të dhënat e fundit tregojnë se numri i vrasjeve në Emiratet e Bashkuara Arabe është vetëm 0.3 për qind në 100,000 banorë.
Cili është kodi i veshjesh në Dubai dhe në Abu Dhabi?
Edhe pse Emiratet e Bashkuara Arabe, janë një shtet kryesisht mysliman, kodi i veshjes këtu nuk është strikt saç mund të jetë në qytete të tjera të Lindjes së Mesme. Por kjo nuk do të thotë kurrsesi se ju mund të shëtisni në rrugë më bikini, sado afër plazhit të jeni.
Çfarë e bën Dubain të veçantë?
Ky qytet konsiderohet si një prej qyteteve që ka marrë zhvillim shumë të shpejtë. Ai është shndërruar nga një qytet pa rëndësi në një prej qendrave më të rëndësishme të biznesit në botë, gjatë një periudhe 40 vjeçare.
Çfarë e bën Abu Dhabin të veçantë?
Kryeqyteti i Emirateve të Bashkuara Arabe, Abu Dhabi, i cili laget nga ujërat e gjirit Persik, ka disa prej atraksioneve më të vizituara nga turistët, ku mund të përmendim, Xhaminë Sheikh Zayed, Pallatin Mbretëror, Qendrën tregtare Marina, Parkun e Ferrarit, të cilëuar ndryshe si Bota e Ferrarit në Abu Dhabi, etj.
Kur duhet të shkoni në Dubai?
Duke qenë se ndodhet në shkretëtirë, vera aty është me temperature shumë të larta. Prandaj, periudha më e mirë për të vizituar këtë qytet është dimri, periudhë gjatë së cilës ju do të kënaqeni nga moti i mirë, dhe kur temperaturat nuk do të jenë aspak të larta.
Kur duhet të shkoni në Abu Dhabi?
E njëjta gjë vlen edhe për Abu Dhabin. Periudha më e mirë për ta vizituar atë është dimri, dhe veçanërisht dhjetori dhe janari.
Shopping në Dubai?
Këtu do të mbeteni të habitur nga madhësia e qendrave tregtare, të cilat mund të thuhet pa frikë se kanë madhësinë e një qyteti të vogël. Brande ekskluzive, dyqane të disa prej stilistave më në zë të botës, brande të mirënjohura të kozmetikës, supermarkete ku nuk mungon asgjë, kinema ose teatër, restorante nga më luksozët e deri tek fast-food-et, janë disa prej lehtësirave të cilat ju do t’i gjeni brenda një qendre të vetme tregtare në qytetin e Dubait.
Shopping në Abu Dhabi?
Ndërsa në Abu Dhabi, një prej qendrave më të famshme ku ju mund të gjeni gjithçka është Qendra Marina.
Çfarë të vizitoni në Dubai?
Pikat turistike të Dubait janë të shumta, por ne kemi përzgjedhur disa prej më të frekuentuarave:
Burj Khalifa (Ndërtesa më e lartë në botë),
Qendra tregtare Dubai
Muzeu i Dubait
Bastakia (Dubai i vjetër),
Shtëpia e Sheikut, Saeed Al-Maktoum (i cili e drejtoi këtë qytet nga 1921 deri në 1958),
Xhamia Jumeirah, etj
Çfarë të vizitoni në Abu Dhabi?
Një destinacion ideal për të kaluar pushimet me familjen tuaj. Ja se nga mund t’ia filloni:
Xhamia e Sheikut Zayed Grand Mosque
Parku i Ferrarit
Kulla e Vëzhgimit në 300 metra lartësi
Qasr Al-Hosn, ndërtesa më e vjetër në Abu Dhabi
Spitali veterinar, Abu Dhabi Falcon Hospital
Parku ujor Yas Waterworld
Ishulli Yas
Parku Zoologjik i Emirateve
