“Drejtoresha e shkollës së mesme të Fushë-Krujës u filmua nga Fiks Fare duke marrë 300 euro, por ‘Fiks’-i nuk e nxori filmimin kundrejt një ‘gjobe’ prej 10 mijë eurosh, që i pagoi drejtoresha!”
Kështu akuzoi dy ditë më parë Sali Berisha në një status në faqen e tij të “Facebook”-ut, ku akuzonte hapur emisionin investigativ për gjobëvënie.
Por drejtori i emisionit, Filip Çakuli shpreh habi se si lideri politik i së djathtës merr të mirëqena “letrat anonime”, siç i quan ai denoncimet e “qytetarit dixhital”.
Duke folur për “GSH”, ai tha se “si mund të merret e mirëqenë ç’do idiotësi dhe çdo paranojë e Sali Berishës?
Dërgon një letër anonime dikush dhe kjo letër anonime quhet e mirëqenë dhe e shpall ai.
Si mund të shpallet? Mund të quhet e mirëqenë një letër anonime?
Nuk është hera e parë që ai dështon.
Këtë mesazh ia bëri ‘Fiks’-i vetë.
U ulëm vetë ne dhe e bëmë një mesazh, ia bëmë që ‘Fiks’-i merr kështu dhe kaq.
Ne nuk duam të hakmerremi me këtë punë, sepse ajo ngjarje nuk ka ndodhur fare. Mund ta verifikoni nëpër shkolla. Nuk është mesazhi i parë që i kemi bërë”, tha Filip Çakuli.
