Greqia do të ofrojë një qëndrim njëjavor falas në Rodos në pranverën ose vjeshtën e vitit 2024 për të gjithë turistët, pushimet e të cilëve u ndërprenë nga zjarret e ditëve të tëra në ishull gjatë muajit korrik, duke dëmtuar shtëpitë dhe hotelet dhe duke detyruar mijëra vetë të evakuohen.
“Për të gjithë ata, pushimet e të cilëve u ndërprenë si pasojë e zjarreve, qeveria greke, në bashkëpunim me autoritetet lokale, do të ofrojë një javë pushime falas në Rodos pranverën ose vjeshtën e ardhshme”, deklaroi kryeministri grek Mitsotakis, duke shtuar se ishulli tani ishte “kthyer në normalitet”.
Rreth 20,000 njerëz, duke përfshirë mijëra turistë britanikë, u evakuuan nga Rodosi javët e fundit pasi zjarret dogjën rreth dhjetë për qind të sipërfaqes së ishullit.
Një destinacion i preferuar pushimesh, Greqia është shumë e varur nga turizmi, i cili përbën një të katërtën e PBB-së së saj.
Turizmi është nxitësi kryesor i ekonomisë së Greqisë, i cili doli nga një krizë borxhi në vitin 2018, dhe Rodosi, ishulli i nëntë më i madh në Detin Mesdhe lindor, është një vend i njohur pushimesh.
