Një ngjarje e rëndë ka ndodhur në Itali ku një grua shqiptare humbi jetën në sy të mbesës në një aksident rrugor.
Tragjedia ka ndodhur në Fano. Mësohet se viktimë ka mbetur një 56-vjeçare identiteti i të cilës nuk bëhet e ditur.
Ajo po ecte anash rrugës bashkë me mbesën kur u godit nga një makinë “Smart”.
Si pasojë e plagëve të rënda, gruaja humbi jetën menjëherë në vendin e ngjarjes.
Nga ana tjetër, mbesa e saj 10-vjeçare ka shpëtuar mrekullisht pa u dëmtuar. Makina i ka kaluar pak centimetra larg, por fatmirësisht nuk e ka prekur.
Ajo është marrë nën kujdes mjekësor pasi është e shokuar duke qenë se ka dëshmuar tragjedinë.
Shoferja e makinës është një 35-vjeçare nga Fano, e cila jeton disa metra larg vendit të aksidentit.
Ajo rezultoi negativ për përdorimin e alkoolit. Pritet që të akuzohet për vrasje në rrugë.
