Gjysma e globit u bë dëshmitare e të famshmit eklips të plotë të Hënës, që njihet edhe si “Superhëna e përgjakur”.
Për Amerikën e Veriut dhe Amerikën Qendrore, fenomeni u pa të dielën mbrëma, ndërsa për pjesën më të madhe të Amerikës së Jugut dhe Europës, përfshi Shqipërinë, spektakli ndodhi në orët e para të së hënës.
Gjatë eklipsit të plotë, Hëna përfshihet nga hija e pjesshme e jashtme e Tokës dhe e humbet shkëlqimin e saj. Më pas, hyn nën hijen e brendshme, më të errët të Tokës, dhe fillon eklipsimi. Një pjesë e saj madje bëhet e kuqe.
