Në fund të majit të këtij viti, një xhami e re u hap në mënyrë ceremoniale në Sheshin Taksim të Stambollit, i quajtur sipas këtij sheshi dhe simboli i qytetit të Stambollit.
Meqenëse Xhamia Taksim është një ndërtesë shumë e bukur dhe e pazakontë, kështu është edhe imami i kësaj xhamie, Abdullah Ozkan. Përveç që është imam dhe hafiz, Ozkan është një i aposionuar i madh pas motoçikletave.
Imami 32-vjeçar më parë shërbeu në xhaminë Bezmialem Valide të Stambollit, e njohur më mirë si Xhamia Dolmabahce, dhe u emërua imam i xhamisë Taksim një muaj më parë.
Ai jeton në rrethin Kasimpasa të Stambollit, pranë rrethit Beyoglu dhe udhëton pesë herë në ditë në Xhaminë Taksim për të kryer lutjet.
Effendi Ozkan është një hafiz i Kur;anit (ai e di tërë Kuranin përmendësh).
Në bisedë, Ozkan flet për dashurinë e tij për qenien imam, aq me tepër në Xhaminë e Taksimit, por edhe dashurinë e tij për motoçikletat.
“Unë u befasova kur mësova se u emërova imam i kësaj xhamie, nuk e prisja. Të jesh imami i parë i Xhamisë Taksim është një krenari për mua. Xhamia Taksim ishte xhamia e ëndrrave të mia,” zbulon Ozkan.
Duke folur për Xhaminë Taksim, e cila është një lloj kompleksi, Ozkan thekson se ai synon të zbatojë projekte të ndryshme dhe ta bëjë xhaminë një qendër të artit turko-islam.
Kur bëhet fjalë për dashurinë e tij për motoçikletat, ai shpjegon se si ajo lindi 13 vjet më parë, falë babait të tij. Ai së pari hipi në motoçikleta më të vogla dhe më vonë mori trajnime speciale për ngasjen e avancuar të motorëve.
“Kam udhëtuar me motor në çdo xhami ku kam punuar më parë,” thotë Ozkan, ai vazhdon:
“Kur arrij në xhami, xhemati mezi më njeh, ata nuk besojnë se hoxha ka ardhur. Vetëm kur heq helmetën i dëgjoj të pëshpëritin: ‘Po, ky është hoxha ynë’. Fakti që ngas një motor tërheq veçanërisht vëmendjen e të rinjve dhe mund të them se në një farë mënyre i inkurajon të rinjtë që të vijnë më shumë në xhami. Motoçikleta ishte një rast që të takohem me të rinjtë në shumë evente,” tha imami.
Ajo që është gjithashtu specifike për Ozkan është se çdo vit me rastin e 15 korrikut, përvjetorit të përpjekjes për grusht shteti, i cili u tentua në Turqi nga organizata FETO, ai organizon një turne javor me motor në të cilin udhëton në të gjithë Turqinë.
“Ndërsa ngas një motor, unë mësoj përmendësh Kur’anin dhe plotësoj hatmën (duke mësuar tërë Kuranin) dhe u lutem për shpirtrat e dëshmorëve tanë. Unë vizitoj varret e dëshmorëve tanë në të gjitha qytetet”, tha imam Abdullah Ozkan.
