Dashi
Sipas horoskopit të Paolo Fox, do të keni Hënën dhe Venusin në aspekte të favorshme që do t’ju nxisin të shprehni emocionet tuaja, atë që ndjeni pa rezerva. Nuk flasim domosdoshmërisht vetëm për dashuri, por edhe për miqësi, për njohje të reja. Fundjava do të favorizojë takimet. Ju mund të mos ndiheni plotësisht të kënaqur me rezultatet aktuale, por po gjeni më shumë qetësi në atë që bëni.
Demi
Do të fillojë një fundjavë e qetë, në të cilën mund të pushoni. Pas një jave shumë të lodhshme, plot përpjekje, sakrifica, momente tensioni e ndoshta edhe përplasje, u deshën vërtet disa ditë më të qeta. Përfitoni prej tyre, për të bërë paqe me një person!
Binjakët
Edhe pse Hëna është në shenjën tuaj, nuk do të jeni të imunizuar nga lodhja dhe nervozizmi. Fatkeqësisht, këto ditë ka probleme në familje, një person i dashur po përballet me një periudhë veçanërisht të vështirë. Gjatë ditës mund të ndiheni pak të paduruar apo edhe të largoheni nga shtëpia, për t’u shkëputur nga tensionet, nga një situatë stresuese.
Gaforrja
Duhet të përpiqeni të relaksoheni pak. Po dilni nga një javë shumë e rëndë, në të cilën ju është dashur të përballeni me provokime dhe shqetësime të vazhdueshme. Tani gjëja e rëndësishme është të gjeni ekuilibrin tuaj të brendshëm në funksion të ditëve të ardhshme të cilat premtojnë të jenë shumë interesante. Për më tepër, nëntori do të jetë një muaj që do t’ju kërkojë të përshtateni, qoftë edhe të detyruar, me ndryshime rrënjësore.
Luani
Do të fillojë një fundjavë ku Hëna dhe Venusi do të jenë në anën tuaj. Në 48 orët e ardhshme, mund të mbyllni një marrëveshje, në punë ose, më mirë akoma, në dashuri. Ata që përjetuan momente të vështira si çift në shtator duhet të fillojnë të shërohen, të rimarrin më shumë besim në të ardhmen dhe në marrëdhënie. Fundjavë premtuese!
Virgjëresha
Do t’ju duhet shumë kujdes, përndryshe rrezikoni të grindeni në familje, të bëheni shumë kokëfortë dhe kritikë. Kushdo që e gjen veten aty ku nuk dëshiron të jetë ose me njerëz të pakëndshëm, do të rrezikojë madje të përjetojë nervozizëm të papërmbajtshëm. Mundohuni të bëni minimumin dhe asgjë më shumë. Mendoni mirë përpara se të merrni vendimin tuaj ose kini kujdes nga vonesat!
Peshorja
Do të gjeni forcë dhe vendosmëri dhe do të mund të shijoni dy ditë plot emocione të forta. Kjo do të jetë edhe më e rëndësishme për ata që kanë bërë një gabim verën e kaluar dhe që nga ajo kohë janë rrënuar nga frika e madhe. Mundohuni të largoni pavendosmërinë dhe dyshimet, përpiquni t’i jepni më shumë hapësirë pjesës suaj më të guximshme dhe impulsive.
Akrepi
Këto dy ditë do të jetë e mundur të rifitoni forcat fizike që ju kanë munguar në ditët e kaluara. Edhe ata që kanë përjetuar shqetësime të mëdha, do të jenë në gjendje të shërohen mirë në një nivel psikofizik. Mundohuni t’i përkushtoheni edhe dashurisë në funksion të një Nëntori që do të jetë shumë i rëndësishëm. Një lidhje e bukur dashurie me një person të shenjës së Peshqve ose Bricjapit mund të fillojë muajin tjetër.
Shigjetari
E shtuna do të jetë një nga ato ditët kur dëshironi të qëndroni larg gjithçkaje dhe çdokujt. Sidomos nëse e gjeni veten në një vend ku nuk dëshironi të jeni ose me njerëz që ju mërzitin. Tek ju rritet nevoja për t’u izoluar pak, për të qenë vetëm dhe mbi të gjitha larg tensioneve dhe shqetësimeve të caktuara. Ata që nuk mund ta bëjnë fizikisht, do të zgjedhin një arratisje “mendore”.
Bricjapi
Siç shpjegon astrologu Paolo Fox, do të mund të rikuperoni qetësinë që ju ka munguar ditët e fundit. Java juaj ka qenë mjaft e lodhshme, plot me mendime apo detyra për të përfunduar. Në këtë periudhë nuk mund të bëni atë që ju pëlqen shumë dhe ky fakt mund t’ju rëndojë shumë. Për fat të mirë po vjen nëntori, një muaj që do t’ju lejojë të punoni me projekte të reja dhe t’i jepni më shumë hapësirë dashurisë.
Ujori
Do të jeni në gjendje të mbështeteni në një mori planetesh të favorshëm që do t’ju ndihmojnë të ndriçoni shpirtin tuaj, të bëni shumë gjëra, madje të lini të kaluarën pas dhe të filloni një rrugë të re. Do të dëshironi të takoni njerëz të rinj, të ndryshoni role, detyra, bashkëpunime, nëse nuk e keni bërë tashmë! 2021 është një vit që do t’i lejojë të gjithë të lindurit në shenjën e Ujorit ta bëjnë këtë.
Peshqit
Do të fillojë një fundjavë që do të kërkojë kujdes të veçantë, përndryshe ju do të rrezikoni të zhyteni me të kaluarën, në melankoli dhe agjitacion. Duhet të përpiqeni të bëni diçka argëtuese, të qëndroni larg mosmarrëveshjeve, emocioneve negative dhe situatave të lodhshme. Mundohuni të mos debatoni me partnerin dhe mbi të gjitha mos u zemëroni!
