DASHI
Provat me të cilat ju ka përballur viti 2019, pak a shumë nga gushti e tutje, kanë qenë shumë të vështira, disa madje edhe përtej forcës suaj, kanë qenë probleme fizike, gjendje ankthi dhe gjithçka që vjen si pasojë. Më në fund me ardhjen e vitit 2020 situata të paktën është stabilizuar, gjërat kanë filluar të kthehen në vendin e tyre. Dhe në fakt ju keni qenë mirë, keni pritur me qetësi relative që stuhia të kalojë.
PUNA: Një qiell i bukur ai i Shkurtit, një qiell ngjitjeje që mund t’ju lejojë perspektiva të mëdha, një situatë të favorshme, e cila, megjithatë, tani duhet të menaxhohet me qetësi. Për shembull, disa nga të lindurit në shenjën e Dashit, ka të ngjarë të vijnë nga një ndryshim i papritur, i cili mund të jetë një veprim, një rol i ri, një ndryshim i qytetit, me pak fjalë, diçka që ju ka zhvendosur. Pra, edhe nëse mundësitë janë të qarta, prapë ju kërkohet një dozë e vogël kujdesi.
DASHURIA: Diçka rri pezull, mbase shumë debate, mbase ishit ju që i shkaktuat, miq të dashur të Dashit. Partneri ose partnerja nuk beson më dhe aq shumë, dhe është koha që ju të bëni diçka për të rikuperuar marrëdhënien, nëse vërtet ju intereson. Këshillat e shkurtit janë të lini mbresa, të tregoni të gjithë veten tuaj, në lidhje me afeksionin dhe ndjenjat. Një qiell i takimeve të rastësishme dhe emocionuese për ata që janë beqarë, ju jeni energjikë dhe kjo do të inkurajojë mirëkuptimet. Pra, një muaj Shkurt “i shkurtër por intensiv”. Ndaj varet nga ju që të vendosni se sa kohë do të zgjasin gjërat, por mbase duhet të flisni për këtë, me më shumë qetësi në Mars.
DEMI
Askush që ka lindur në shenjën e Demit, nuk arrin të jetojë marrëdhëniet përgjysmë, dhe nëse e bën ndoshta po shtiret. Në zemrën e atyre që kanë lindur nën këtë shenjë ekziston nevoja për të mbyllur rrethin, kjo vlen si për gratë ashtu edhe për burrat, megjithëse në mënyra të ndryshme. Deri në fund të vitit 2020 shumë siguri ishin lëkundur, ju pothuajse mendonit se po ju tronditej toka nën këmbë, dhe me siguri keni bërë përpjekje për të rikuperuar. Disa e kanë bërë, disa jo, gjëja e rëndësishme është që të keni arritur një vetëdije më të madhe për ngjarjet e kaluara.
PUNA: Njësoj si me janarin, ky muaj Shkurt paraqet një prirje pozitive – por vetëm pak. Në kuptimin që ju shkoni përpara hap pas hapi, por jo ashtu siç e prisnit. Kështu që këshilla nuk është t’i nënshtroheni zhgënjimeve, sepse ju keni një qiell të bukur nga pikëpamja e marrëdhënieve profesionale, të gjithçkaje që lidhet me rrjetëzimin e aftësive. Përfitoni nga kjo, përpiquni të frekuentoni mjediset e duhura, vendet motivuese dhe që nga pranvera, dielli që është ende pak i zbehtë do të shndërrijë fort.
DASHURIA: Një Janar shumë më larg se pritshmëritë tuaja, ndoshta ju ka bërë të vini partnerin apo partneren, përpara një zgjedhjeje të rëndësishme. Pavarësisht se si shkoi, gjëja e rëndësishme tani është të metabolizoni atë që ndodhi, dhe të korrigjoni kursin. Jo gjithmonë mësoni nga përvoja, ose mbase e vërteta është se duhet të bëni gabime para se të veproni siç duhet. Disa beqarë janë të bindur se vetëm duhet të shijojnë këto muaj, ndërsa të tjerë që kërkojnë një shpirt binjak, do të kenë shanse të shkëlqyera deri në fund të muajit.
BINJAKËT
Ju jeni më mirë, shumë më mirë sesa në vitin 2019, rruga nuk është më e përpjetë dhe duhet të keni filluar të shihni kënaqësitë e para, që nga janari. Por diçka ende ju shqetëson, diçka e pashprehur, diçka që ju përpiqeni ta lini mënjanë, por që rishfaqet herë pas here. Mund të jetë një ndarje nga ndonjë ish, një zhgënjim ose një largim i padrejtë. Me pak fjalë, një sfond që ju kufizon në krahasim me të tashmen. Megjithatë, çdo ditë buzëqeshni, dhe çdo ditë u jepni gëzim atyre përreth jush. Situata do të pastrohet, për sa kohë që keni durim dhe ca kohë për t’ia kushtuar vetes.
PUNA: Konteksti profesional ende mund të përmirësohet, megjithatë për shumë prej jush Shkurti do të thotë stabilizim i një kontrate, garanci e një perspektive afatgjatë. Shfrytëzojini sa më mirë ato që do t’ju ofrojnë këto muaj. Shanset e mira për të rritje në karrierë do të vijnë në Mars ose Prill. Duhet të bëni durim.
DASHURIA: Binjakët nuk dinë të jetojnë pa dashuri, por ata as nuk dinë të jetojnë me dashuri, mund të duket si një paradoks, por kjo karakteristikë ju shtyn të bëni zgjedhje impulsive, të hiqni dorë nga gjithçka dhe të filloni sistematikisht përsëri. Ju jeni një lumë i fryrë, por do të kuptoni se është koha të ngadalësoni, të shikoni brenda vetes, të sqaroni ndjenjat tuaja dhe të pushoni së nxituari pa u menduar. Do të ketë risi për beqarët, por edhe ju do të keni nevojë për maturinë e duhur.
GAFORRJA
Për javë të tëra keni qenë aty në një qoshe duke bluar diçka, është një episod ndoshta edhe mjaft i largët, një shkëputje që nuk keni arritur vërtet ta kapërceni. Kështu e lodhni veten me pyetje si: çfarë do të kishte ndodhur, nëse në vend të vepronit ndryshe? A do të ndryshonit rrugën? Por, siç thotë shprehja, është e kotë të qash mbi qumështin e derdhur. Nuk është e sigurt që ke vepruar për mirë, e vetmja siguri që ke, është se nuk mund të kthehesh më mbrapa. Forca dhe guxim, pra, tregohuni pak përkëdhelës me veten tuaj.
PUNA: Duke qenë se nuk jeni në kulm të forcës suaj mendore, puna gjithashtu nuk jep kënaqësitë që duhet. Për shembull, ata që kanë një profesion në kuzhinë nuk mund të krijojnë më, ata që punojnë me fëmijë janë bërë jotolerantë. Me pak fjalë, vështirësitë vijnë nga brenda, sepse në realitet qielli nuk është aspak dekurajues. Përpiquni për disa javë të përqendroheni shumë intensivisht, tek ajo anë e profesionit tuaj që ju pëlqen më shumë.
DASHURIA: Për shkak të kësaj brishtësie të përkohshme, i përcillni të gjitha ankthet mbi partnerin apo partneren tuaj, në kuptimin që ju jeni bërë më xhelozë, pak obsesivë. Dhe kjo gjeneron shumë probleme në nivelin e çiftit, veçanërisht nëse keni të bëni me një shenjë të ajrit, një nga ato shenja për të cilat liria vjen e para. Shkurti do të kalojë, megjithatë, këshilla është që të përpiqeni të zbutni një seri vështirësish të brendshme që do të shfaqen, dhe për beqarët do të jetë e përshtatshme që të shtyhet çdo stabilizim i marrëdhënieve, deri në Mars.
LUANI
Diçka po materializohet në fushën e ndjenjave, mund të jetë një afrim me të dashurin a të dashurën tuaj ose një pasion që gjeni, për dikë. Shkurti do të jetë muaji i valës së lajmeve, do t’ju shohë të buzëqeshur, madje edhe më akomodues me të tjerët. Ky ndryshim natyrisht më shumë se sa për ju, është për shkak të një takimi të veçantë që do të bëni dhe që do të zbulojë motivimin e fortë që keni. Luan, do jetë një muaj i shkëlqyer, ashtu si ju pëlqen!
PUNA: Muajt e fundit kanë qenë të lodhshëm, për shkak të kaq shumë angazhimeve të reja, përparimeve në karrierë, sfidave të mëdha. Tani atmosfera është më e qëndrueshme, konfirmimet kanë ardhur për ju. Luanëve dihet se u pëlqen të kenë të bëjnë me njerëz si ata, njerëz për të luftuar pozitivisht dhe në mënyrë konstruktive. Po ashtu është i mirë edhe qielli i atyre që kërkojnë mundësi të reja, sepse jo vetëm që do të jenë në dispozicion, por do t’i gjeni në sektorin që preferoni.
DASHURIA: Netët e ëmbla të Venusit janë aty për të luajtur për ju. Pikërisht, atëherë kur kishit vendosur të hiqnit dorë nga ideja për të dëgjuar zemrën tuaj të rrahë si e çmendur përsëri. Por jeta është kështu, ajo di të befasojë kur jemi në gjendje të ulim barrierat e mbrojtjes nga të tjerët. Kjo është edhe më e vërtetë, kur bëhet fjalë për trajtimin e ndjenjave. Tani qielli është i shkëlqyer, ju keni për detyrë të kultivoni dhe të kujdeseni për atë që po lind, ta ujisni gradualisht në muajt në vazhdim, madje edhe në gjysmën e dytë të vitit, veçanërisht drejt vjeshtës.
VIRGJËRESHA
Përdorimi i mendjes, është padyshim ajo që bëni më mirë në jetë. Ju dini si të programoni, nuk keni frikë nga lodhja dhe kur vendosni të zhyteni në një projekt profesional, kolegët tuaj mund të jenë të sigurt për rezultatin e shkëlqyer. Ju e bëni këtë, edhe sepse midis gjërave që janë më të dashura për ju, ekziston vlerësimi që të tjerët kanë për ju. Natyrisht që ky është një aspekt pozitiv i karakterit tuaj. Por nga ana tjetër, ju çon të ruani marrëdhëniet që keni për hir të paqes shoqërore, dhe jo për të luftuar me dëshirë, për të arritur atë që në të vërtetë do t’ju bënte të ndjeheshit mirë.
PUNA: Gjithçka shkon mirë, ju keni përmbushur pritshmëritë, dhe megjithëse përpjekjet janë të tepërta në krahasim me rezultatin, jeni të vetëdijshëm që keni bërë më të mirën. Disa nga ata që kanë lindur në shenjën e Virgjëreshës, megjithatë, fillojnë të mendojnë për veprimtari më vete, ideja për të çliruar veten nga punëdhënësit, sipas mendimit tuaj jo shumë kompetentë, si dhe të investoni për veten tuaj, fillon të iluminojë mendjen tuaj. Muajt e ardhshëm do të jenë vendimtarë për të verifikuar nëse ky ishte vetëm një impuls, apo simptomë e dëshirës për risi.
DASHURIA: Shkurti ju përball me një sfidë, atë të “përpjekjes për t’i pyetur ata që aktualisht nuk janë në gjendje t’ju dëgjojnë”. Kjo do të thotë të guxosh, do të thotë të shkosh përtej zonës së zakonshme të rehatisë, dhe të përpiqesh të kuptosh nëse ka diçka më emocionuese. Nuk është e thënë që në një moment mund të mos dëshironi të ktheheni, do të varet nga ju të kuptoni nëse është dëshira, apo frika nga e panjohura. Errësira e beqarëve ndriçohet me dritën e takimeve, me emocionin e shikimeve të para të ëmbla.
PESHORJA
Një qiell me ca vranësira në pjesën e parë të muajit, sepse projektet që keni janë të mëdha dhe ambicioze. Dhe kërkojnë hapa të mëdhenj përpara, duke shkaktuar pak stres. Peshorja e do harmoninë dhe gjithashtu një sasi të mjaftueshme të kohës së lirë, për t’iu kushtuar vetes dhe dashurisë. Por shkurti nuk ju lejon ta bëni, dhe më pas ju rrezikoni të hyni pak në telashe. Këshilla është të mbani mirë parasysh pse e gjeni veten në këtë situatë, si dhe të mbani mend angazhimin që keni marrë, që nga mesi i vitit 2019 për të ardhur deri këtu. Nuk është koha të ngadalësoni, apo edhe më keq, të hiqni dorë.
PUNA: Po ju bëhen kërkesa, ju keni afate për të respektuar, fjalët po kalojnë jashtëzakonisht shpejt në fakte, dhe për fat të keq nuk jeni në gjendje të kuptoni aspektet pozitive tani për tani, por ju shihni vetëm ankthin dhe stresin që e pason. Ata që kërkojnë punë do të luftojnë, për shkak të goditjeve dhe burokracisë së tepërt, do të keni mbështetje të përgjithshme rreth jush dhe do të duhet të mbështeteni tek dikush. Kini besim, sepse, nëse vazhdoni me këmbëngulje të gjitha angazhimet, do të keni një pranverë të shkëlqyer.
DASHURIA: Kërkoni një seri konfirmimesh tek partneri juaj dhe çdo shenjë largimi për ju, bëhet më e madhe se sa është në të vërtetë. Jepini vetes disa momente vetmie, do t’ju ndihmojë të forconi marrëdhëniet, që shkurti i futi pak në krizë. Beqarët nuk duan të dalin për të takuar njerëz të rinj, dhe kjo i çon në një gjendje trishtimi. Përkundrazi, disa mbrëmje jashtë do të eleminojnë pakënaqësitë, duke pritur për muajt, në të cilët do të ktheheni të lulëzoni dhe do të jepni më të mirën.
AKREPI
Më pak të zhytur në mendime sesa në fillim të vitit, ata që kanë lindur nën shenjën e Akrepit kanë në anën e tyre, forcën dhe vetëdijen ekstreme për projektet në të cilat kanë besuar që nga viti 2019. Edhe pse ka ende disa re, shkurti do t’ju befasojë dhe mes ulje-ngritjeve, do t’ju japë një seri ngjarjesh të paparashikuara dhe rrethana të rastit, afrimitete dhe argëtim. Ndaj konsiderojeni veten me fat.
PUNA: Ingranazhet funksionojnë, i keni lyer ato më parë shumë mirë, kështu që në këtë muaj mund të lejoni të merreni me pjesët më kreative dhe afatgjata të profesionit tuaj. Është e vështirë për Akrepët të heqin dorë nga mbajtja e gjithçkaje nën kontroll, përfshirë kolegët, dhe kjo mund të krijojë ankth dhe keqkuptim. Për ata që kërkojnë me padurim një mundësi pune, muajt në vazhdim do të jenë thelbësore, por është mirë të filloni të orientoheni tani, të zgjidhni diçka që ju pëlqen vërtet dhe të motivoni veten.
DASHURIA: Në marrëdhënien tuaj, partneri ose partnerja janë pika të qëndrueshme referimi, të cilave u drejtoheni edhe për detyra të vogla ditore. Ky qëndrim me siguri ka bërë që marrëdhënia të konsumohet disi. Varet nga ju të reagoni dhe të vendosni nëse është e përshtatshme për t’u rikuperuar, dhe më pas të përpiqeni të jeni më të dashur, të angazhuar dhe joshës me partnerin tuaj. Ose të hiqni dorë dhe të lejoni që marrëdhënia të marrë fatalisht një kthesë tjetër. Beqarët do kenë tendencë të izolohen për disa ditë, dhe më pas të kthehen në Mars, me një dhunti dhe një “joie de vivre”, sa të pazakontë aq edhe të mirëpritur.
SHIGJETARI
Për momentin, lini mënjanë të gjithë njerëzit përreth jush, që nuk janë në gjendje të futin një frymë iniciative. Shkurti është një muaj i rëndësishëm për ju, që të ndërtoni themelet e ndërtesës ku do të jetoni – në mënyrë figurative – në vitet e ardhshme. Kështu që kini të gjithë përqendrimin e duhur, dhe kushtojani këto ditë projektimit të vetes suaj, në një të ardhme të afërt: kë dëshironi në anën tuaj?
PUNA: Një qiell i bukur ai i shkurtit, do të vijë një shpërblim, një mirënjohje, një notë shumë e lartë në disa provime (për ata që studiojnë në universitet), me pak fjalë, ju do të ndërmerrni një hap vërtet të rëndësishëm, për të arritur një qëllim që e keni vendosur prej vitesh. Kjo ju mbush me gëzim dhe natyrshëm do të nxisë. Do të jetë kjo klimë konfirmimi dhe kënaqësie, që do t’ju shtyjë drejt shtigjeve të reja të jetës tuaj. Të kënaqur dhe me shumë vetëvlerësim jeni gati të fluturoni, nuk ka vend për ata që duan t’ju mbajnë në tokë.
DASHURIA: Falë rezultateve të shkëlqyera që angazhimi juaj ka prodhuar në fusha të ndryshme të jetës tuaj, tani të gjitha çështjet sentimentale mund të analizohen me një qetësi të re. Marrëdhëniet më të gjata dhe të qëndrueshme do të testohen nga karikimi juaj me energji: a do të jetë në gjendje partneri ose partnerja juaj të qëndrojë në ritmet tuaja, si fizike ashtu edhe mendore? Dhe a do të jeni të lumtur me atë që do të gjeni, kur të ktheheni në shtëpi në mbrëmje? Një qiell i bukur për beqarët, shumë nga ju do të ftohen në festa dhe ngjarje interesante. Shkoni dhe argëtohuni, ju e meritoni!
BRICJAPI
Më në fund erdhëm në shkurt. Pas ngatërresave rraskapitëse të muajve të fundit, në horizont ka një muaj perspektivash dhe lajmesh nga të gjitha frontet. Nuk është tamam një rilindje, por padyshim që mund të flasim për një rigjenerim. Kjo shenjë e tokës ka stabilitetin e vet, si një përparësi ekonomike, miqësore dhe sentimentale. Eshtë e vështirë të hidhet në përvoja të pakuptimta për të mbushur kohën, për pothuajse gjithçka që bën ka një kuptim dhe qëllim specifik. Me siguri, Bricjapët janë strategë, dhe tani që e dinë se taktika e tyre ka funksionuar, ata mund të shijojnë rezultatet.
PUNA: Vlera juaj njihet dhe intuitat tuaja janë përmirësuar. Ata rreth jush kanë pak dyshime: ju jeni personi i duhur në vendin e duhur. Ju jeni shumë “tërheqës” në tregun e punës dhe kjo do t’ju bëjë që të merrni oferta dhe propozime të shumta, detyra e vështirë për ju është që të kuptoni se ku të përqendroheni. Nevoja që do të keni në shkurt, do të jetë ajo e një rritje të pagës, si njerëz që janë jashtëzakonisht të vendosur dhe të vetëdijshëm për vlerën e tyre, tani prisni që t’ju jepet ajo që ju takon. Për ju, paratë janë të rëndësishme për të jetuar në paqe dhe në komoditetet që ju lejojnë t’i përkushtoheni aktiviteteve që doni.
DASHURIA: Duke marrë parasysh sensin e madh të sigurisë që ju përshkon, më në fund jeni gati t’i përkushtoheni ndjenjave, me gjithë inteligjencën për të cilën jeni të aftë, pa shumë bujë, por duke mbajtur parasysh që personi që sapo keni bërë për vete, është ai për të cilin prej kohësh ju rreh zemra.
UJORI
Sa shumë dëshirë keni për të ikur në këtë periudhë! Për muaj të tërë, keni menduar të përkushtoheni një udhëtimi, ose një fundjave jashtë qytetit, për të vizituar vende të reja, nga të cilat do të magjepseni. Shkurti është koha e duhur për të vazhduar në këtë drejtim, sepse kush e di më mirë se ju, që ëndërrimi është erëza e jetës. Atëherë këshilla e muajit është që të rrethoheni me miq të sinqertë, të cilët dinë të mirëpresin me entuziazëm të gjitha nismat tuaja dhe me të cilët, të ndani përvoja të paharrueshme. Ka edhe festime në horizont për një sukses të kohëve të fundit, për ju ose dikë që ju intereson. Me pak fjalë, qielli është i qartë, ndaluni të shikoni Diellin.
PUNA: Ju keni hequr kohët e fundit, disa guralecë të mëdhenj nga këpucët, dhe duke qenë se jeni tipa mjaft hakmarrës, kjo ju ka sjellë kënaqësi të konsiderueshme. Lidhja juaj me të mirat materiale dhe me paratë është mjaft e rastësishme, ajo që është e rëndësishme për ju nuk është aq shumë mirëqenia ekonomike, sesa ajo sociale dhe marrëdhëniet. Ju dëshironi të “ecni gjithmonë me kokën lart”. Që prej fundit të vitit 2019 e gjithë kjo tashmë po bëhet e vërtetë, përfitoni nga muaji shkurt për të hedhur themelet për horizonte të reja profesionale. Aktivitetet e të vetëpunësuarve janë shumë të favorizuara, madje edhe për ata që nuk janë dhe aq të rinj.
DASHURIA: Siç e themi shpesh, miqtë e Ujorit preferojnë miqësinë ndaj dashurisë, dhe në çdo rast një dashuri të ndërlikuar. Shkurti do të jetë një muaj shumë i favorshëm për beqarët, të cilët do të bëjnë për vete një person me të vërtetë tërheqës, falë sharmit të tyre të rilindur, dhe dëshirës për t’u përfshirë. Një muaj shkeljesh të ëmbla dhe fantazi të padëmshme. Për ata që janë në çift, rekomandohet një udhëtim i këndshëm me shumë miq, atmosfera të gjalla dhe të lehta, për t’u përgatitur më mirë për pranverën.
PESHQIT
Diçka që ndodhi në dhjetor, ende ju mërzit, për disa muaj një njeri i dashur nuk ju ka dhënë konfirmimet që ju dëshironi, disa marrëdhënie mund të kenë pësuar një pengesë dhe ju thjesht nuk mund t’i pranoni. Si një shenjë e mirë uji, ëndërrimtarë dhe të zhytur në fantazitë tuaja, do të kaloni një shkurt plot fluturime mendore të cilat do të kompensohen, megjithatë, nga një racionalitet i fortë në punë. Do të alternoni momente ëmbëlsie me të tjerët, të dominuar nga një agresion i çuditshëm. Luhatjet e humorit nuk varen nga ju dhe kjo do t’ju bëjë mjaft dyshues.
PUNA: Marrëdhënia me disa shefa dhe në përgjithësi me një nga eprorët tuaj është e konsoliduar, puna që keni bërë deri më tani po shkon absolutisht në drejtimin e duhur. Por ju doni më shumë, ju jeni duke kërkuar një kënaqësi profesionale, por ende nuk jeni në gjendje të kuptoni se çfarë saktësisht. Në mënyrë që të mos rrezikoni të shkoni huq për tërë muajin, këshilla është që të shtyni analizat shumë komplekse në muajt Mars dhe Prill dhe të merrni Shkurtin, ashtu si vjen.
DASHURI: Marrëdhëniet janë pak të lodhura, përkundër përpjekjeve tuaja për të gjetur mundësi për rinovim, gjithçka duket rutinë. Ju gjithmonë dëshironi të dashuroni si ditën e parë, vazhdimisht përpiqeni të përmirësoni jetën e partnerit tuaj, shpesh u siguroni atyre të gjitha lehtësitë e nevojshme për një jetë kushtuar Mirëqenies. Shkurt, disa dyshime në shkurt për ata që janë në çift, por edhe për ata që janë beqarë, sepse do ta gjejnë veten duke përmbushur më pak se sa pritshmëritë që kanë. Pak durim!
