Extra I dërgonte dronë në BBV, Luiz Ejlli surprizon fansin në ditën e...

I dërgonte dronë në BBV, Luiz Ejlli surprizon fansin në ditën e tij më të veçantë

Këngëtari i njohur shkodran, Luiz Ejli ishte një ndër konkurrentët e “BBV”, i cili me lojën, batutat dhe humorin e tij arriti që të bëjë për vete një publik të gjerë duke u shpallur fitues i këtij reality shoë.

Të shumta kanë qenë edhe dhuratat, surprizat dhe sidomos dronët që artisti merrte nga fansat e ‘çmendur’ gjatë qëndrimit në këtë spektakël.

Mirëpo së fundmi fituesi i “BBV” ka zgjedhur mënyrën më të mirë për të falenderuar një ndër fansat e tij të ‘zjarrtë’ i cili e ka mbështetur dhe i ka dërguar drone kur ai ndodhej brenda shtëpisë.

Në ditën e tij më të veçantë, siç është ajo e dasmës Luizi ka kënduar live për të, ndërsa video e ka postuar në InstaStory teksa krahas saj ka bërë një shkrim falenderues për dhëndrrin.

“Faleminderit për dronat Kristi. Ishte minimum që mund të bëja për ty. Të trashëgohesh.”, ka shkruar Luizi krahas videos.