Presidenti i Serie A, Paulo Dal Pino, ka folur në lidhje me akuzat e Interit për prishje të kampionatit. Ai ka hedhur dritë mbi një bisedë që kanë patur mes palëve dhe refuzimit të luajtjes së ndeshjes me Juventusin.
“Administratori i deleguar De Siervo i ka propozuar Interit të premten që të luajë ndeshjen kundër Juventusit të hënën në darkë me praninë e tifozëve. Interi ka refuzuar kategorikisht të zbresë në fushë me përgjegjësi të plotë, nuk u ankuan për aspektin sportiv dhe nuk thanë se ishte kampionat i falsifikuar.
Marotta? Ai mbron vetëm interesat e Interit, ndërsa unë kam për detyrë të mbrojë të gjithë Serie A. Menduam që t’i shtyjmë ndeshjet, pasi do të ishte një imazh i gabuar nëse ne do të luanim me dyer të mbyllura dhe pa tifozë. Strategji e gabuar biznesi”, tha ai.
