Vajza e këngëtarit të njohur Saimir Çili, Isea, ishte e ftuar bashkë me të ëmën në studion e “Ftesë në Pesë” me Bieta Sulon.
Isea tregoi më shumë rreth pjesëmarrjes në “The Voice Kids” dhe ndau emocionet e përzgjedhjes në fazën e audicioneve të fshehura.
Tashmë 10 vjeçarja është pjesë e skuadrës Gjoka dhe është shumë e lumtur për këtë eksperiencë te re.
Në bisedë e sipër, Suela tregoi se është shumë krenare për të bijën dhe theksoi se nuk do i mungojë për asnjë moment mbështetja e saj dhe e ish-bashkëshortit.
Madje ajo gjeti rastin të sqaronte situatën mes tyre, duke thënë se divorci është një gjë normale dhe marrëdhënia e tyre nuk ka qenë asnjëherë aq e acaruar siç ka qarkulluar nëpër portale.
“Për fëmijën dy njerëz gjithmonë duhet të gjenë gjuhën e përbashkët dhe ta shoqërojnë bashkë, sepse prindërit edhe mund të ndahen, por fëmija mbetet gjithmonë i përbashkët”, tha Suela.
E kur Bieta e pyeti nëse kjo situatë ishte ndopak e sikletshme, ajo ia ktheu duke qeshur: E superojmë, shyqyr më bëri Zoti psikologe.
