Mbi 500 milionë turistë vizitojnë Europën çdo vit, por në cilin nga 44 vendet e saj zgjedhin të shkojnë?
GlobalData, një kompani analitike dhe konsulence, ka përmbledhur shifrat për të zbuluar se cili është vendi më i vizituar në Europë.
Franca ka pretenduar shpesh vendin e parë gjatë viteve, dhe tani ajo është gjithashtu e vendosur të rifitojë titullin e saj si vendi më i vizituar në botë, shkruan Euronews.
Cili është shteti më i vizituar në botë?
Përpara pandemisë COVID-19, Franca ishte vendi më i vizituar në botë duke tërhequr 88.1 milionë vizitorë në vitin 2019, sipas GlobalData.
Spanja pretendoi vendin e parë në 2021, por Franca është në rrugën e duhur për ta kapërcyer atë, pasi ka mirëpritur 66.6 milionë vizitorë ndërkombëtarë në 2022.
“Përkrah Italisë dhe Spanjës, Franca përfaqëson një segment të rëndësishëm të rritjes në Europën Perëndimore”, thotë Hannah Free, analiste e udhëtimeve dhe turizmit në GlobalData.
“Vendi nuk është i popullarizuar vetëm me udhëtarët nga vetë Evropa – veçanërisht Britania e Madhe, Gjermania dhe Belgjika – por është gjithashtu i popullarizuar me vizitorët nga larg, duke përfshirë Kinën dhe Shtetet e Bashkuara”.
GlobalData raporton se numri i ardhjeve ndërkombëtare në Francë pritet të rritet me një normë vjetore prej 12.1 për qind midis 2022 dhe 2025.
Kompania ka parashikuar që Franca do të tërheqë rreth 93.7 milionë udhëtarë ndërkombëtarë në vit deri në vitin 2025, duke forcuar titullin e saj si vendi më i vizituar në botë.
Pse Franca është një destinacion popullor për turistët?
Një nga gjërat më tërheqëse të Francës është transporti i saj, sipas GlobalData.
Udhëtimi midis qyteteve të mëdha është relativisht i lehtë, me lidhje treni me shpejtësi të lartë.
Franca është gjithashtu e lidhur mirë me vendet e tjera europiane nëpërmjet trenave në distanca të gjata edhe gjatë natës.
Trenat e rinj të fjetjes që do të lançohen këtë vit do të çojnë pasagjerët nga Parisi në Vjenë, Berlin dhe Milano, ndërsa në vitin 2024 kryeqyteti francez do të lidhet edhe me Barcelonën.
Cili është vendi i dytë më popullor në botë për t’u vizituar?
Spanja është afër Francës në renditjen e vendeve më të vizituara në botë.
Ndërsa të gjitha vendet panë një rënie të numrit të vizitorëve gjatë pandemisë COVID-19, Spanja arriti të mposht Francën në vendin e parë duke mirëpritur 26.3 milionë vizitorë.
Ajo do të ndjekë Francën në tërheqjen e më shumë turistëve në vitet e ardhshme.
Në vitin 2025, Spanja pritet të tërheqë 89.5 milionë vizitorë ndërkombëtare, sipas GlobalData.
“Vizitat në Francë dhe Spanjë do të mbeten të forta në vitet në vijim, me festivalet, kulturën dhe gastronominë që janë një tërheqje e madhe për turistët”, thotë Free.
“Të dyja vendet kanë shumë për t’u ofruar turistëve, me kulturat, kuzhinat dhe atmosferat e tyre unike. Të dyja vendet janë gjithashtu relativisht të mëdha, me një peizazh të ndryshëm dhe larmishëm dhe të larmishëm. Gjithashtu secili vend ka një bgredet unike”.
