Kryesore Këto janë pesë veturat më të shtrenjta në botë

Këto janë pesë veturat më të shtrenjta në botë

Në sallonin e Gjenevë 2019, “Bugatti” shfaqi modelin e tij më të fundit “La voiture Noire”, duke e prezantuar krijimin e tij si veturën e re më të shtrenjtë në histori.

Megjithatë ky pretendim duhet parë me shumë imtësi pasi edhe marka të tjera pretendojnë këtë titull në një segment ku mbretëron fshehtësia.

Bugatti La Voiture Noire

Këto modele, kryesisht bëhen me porosi të veçantë dhe shpesh herë janë unike. Më post vijojnë pesë automjetet e reja më të shtrenjta në botë ku bëhet fjalë, gjithnjë për ato modele vlera e të cilave është bërë publike.

“Bugatti La Voiture Noire”, është paguar për 11 milionë euro, përjashtuar taksat, nga blerësi i saj.

Pagani Zonda HP Barchetta

“Pagani Zonda HP Barchetta”, sipas markës vlera e këtij modeli arrin në 15 milionë euro.

Rolls-Royce Sweptail

“Rolls-Royce Sweptail”, vlera e tij zyrtare nuk është konfirmuar kurrë nga prodhuesit, por shumë burime flasin për tarifa që arrijnë në 11,4 milionë euro.

Bugatti Divo

“Bugatti Divo”, prodhuar vetëm në 40 ekzemplarë, që të gjithë janë shitur me vlerën e pesë milionë eurove për copë.

Lamborghini Veneno Roadster

“Lamborghini Veneno Roadster”, i prodhuar në një sasi shumë të limituar, vetëm nëntë modele, që janë shitur secili për 3,3 milionë euro përjashtuar taksat.